अमेरिकी रक्षा सचिव लोयड जे. अस्टिन बिरामी भै भर्खरै एक चिकित्सा प्रक्रिया गराएका थिए जस अन्तर्गतको शल्यक्रिया पछि विभिन्न स्वास्थ्य जटिलताहरूको सामना गर्नु परेकोले वाल्टर रीड मेडिकल सेन्टरमा भर्ना भएको बताइएको छ । ७० वर्षीय रक्षा सचिवको स्वास्थ्य अवस्थाले आफ्नो पदको संवेदनशीलताका कारण चिन्ता बढाएको छ, जुन सैन्य कमाण्डको सन्दर्भमा अमेरिकी राष्ट्रपतिको पछि आउँछ।
सीबीएस समाचार एजेन्सीका अनुसार कम्तिमा बिहीबार बिहानसम्म ह्वाइट हाउससँग अस्टिनको स्वास्थ्य अवस्थाको बारेमा जानकारी थिएन। अस्टिन बिरामी भएकाले आफ्नो जिम्मेवारी कति पूरा गर्न सक्षम हुने भन्ने प्रश्न उठेको छ । उप रक्षा मन्त्री क्याथरिन हिक्सले उनको अनुपस्थितिमा जिम्मेवारी सम्हाल्ने भनिएको छ।
सीएनएनका अनुसार अस्टिनको उपचार भइरहेको बेला हिक्सले आफ्नो जिम्मेवारी पूरा गरिरहेकी थिइन्, यद्यपि उनी प्युर्टो रिकोमा छुट्टीमा थिइन् । शनिबार, राष्ट्रपति बायडनले रक्षा सचिव अस्टिनसँग कुरा गरेर उनको स्वास्थ्यको बारेमा जानकारी लिएको बताइएको छ । राष्ट्रपति बायडनलाई आफ्नो रक्षा सचिवमा पूर्ण भरोसा रहेको र पेन्टागनमा छिट्टै फर्कने कुरामा उनी बिश्वस्त रहेको बताइएको छ।
अस्टिनले शनिबार एक विज्ञप्ति जारी गर्दै वाल्टर रीडको मेडिकल टोलीलाई उनीहरूको असाधारण हेरचाह र व्यक्तिगत न्यानोपनको लागि कृतज्ञता व्यक्त गरेका थिए। उनले सहकर्मी, साथीभाइ र परिवारबाट आएको सहयोगलाई स्वीकार गर्दै आफू र आफ्नी पत्नी चार्लिनलाई शुभकामनाले गहिरो छोएको बताएका छन् ।
आफ्नो विज्ञप्तिमा, अस्टिनले आफ्नो स्वास्थ्यको बारेमा पारदर्शिताको चिन्तालाई पनि सम्बोधन गरेका छन् । उनले आफ्नो चिकित्सा प्रक्रियाको बारेमा जनतालाई उचित रूपमा जानकारी गराउने सुनिश्चित गर्न आफूले राम्रो काम गर्न सक्थे र यस सम्बन्धमा सुधार गर्ने वाचा गरेका छन् ।
यस विषयमा रिपब्लिकन पार्टीले गम्भीर चिन्ता व्यक्त गरेको छ । रक्षा सचिव लोयड अस्टिनलाई अस्पतालमा भर्ना गरिएको बारे रक्षा विभागले राष्ट्रपति बायडन तथा राष्ट्रिय सुरक्षा परिषदलाई जानकारी नगरेको सिनेटर टम कटन (आर-अर्कन्सास) भन्दै संचार माध्यममा प्रकाशित समाचारहरुलाई सम्बोधन गर्न भनिएको छ । कटनले रक्षा सचिव र राष्ट्रपति बीच महत्वपूर्ण क्षणहरूमा तत्काल सञ्चारको महत्त्वलाई जोड दिएका छन् । यदि समाचारहरु सही छ भने यो महत्वपूर्ण त्रुटिकोलागि जिम्मेवारी लिनु पर्दछ, कटनले आफ्नो एक विज्ञप्तिमा भनेका छन् ।
अस्टिनले आफ्नो स्वास्थ उपचारका दौरान पारदर्शिता र जिम्मेवारीप्रति देखाएको उनको प्रतिबद्धताले सार्वजनिक अधिकारीहरूका लागि जताततै बलियो उदाहरण दिएको छ ।
सत्य, तथ्य र स्वतन्त्र सामूदायिक डिजिटल मिडिया
