काठमाडौँ महानगरका मेयर बालेन शाहले बिहीबार आफ्नो फेसबुक पोस्टमार्फत बाल दिवसको शुभकामना दिन अस्वीकार गरेका छन्। शाहले प्रधानमन्त्री खड्ग प्रसाद शर्मा ओलीको कडा आलोचना गर्दै बालिकाहरूले न्याय नपाएका कारण आफूले बाल दिवसको शुभकामना दिन नसक्ने बताएका छन्।
शाहले लेखेको आफ्नो फेलबुक पोस्टमा भनेका छन्, “पीडित बालिकाहरुले प्रम( खडग प्रसाद ओली ) को कारण न्याय नपाएर मर्नु परेको कारण बाल दिवसको सुभकामना दिन सकिन, सो सुभकामना स्वय प्रम ज्युलाई नै टक्राउन चाहन्छु, ग्रहण गर्नुहोला।”
उनको यस भनाइलाई बाल यौन हिंसा र अन्यायबाट पीडित बालिकाहरूका लागि न्याय दिलाउन सरकार असफल भएको आरोपको रूपमा लिइएको छ। शाहले खास कुनै घटनाको उल्लेख नगरे पनि सामाजिक न्याय र संवेदनशील मुद्दाहरूमा लगातार आफ्ना स्पष्ट विचार राख्दै आएका छन्।
राजनीतिक विवाद बढ्दै?
शाहको यो पोस्टले न्याय सुधारको ढिलाइका कारण जनताको असन्तोष बढ्दै गएको समयमा आएको हो। विशेषगरी बालबालिका र यौन हिंसाका पीडितहरूलाई न्याय दिलाउने मामिलामा सरकारको निष्क्रियताको आलोचना हुँदै आएको छ। मेयर शाहको यो टिप्पणीले सरकारको जवाफदेहिता सम्बन्धी बहसलाई थप उग्र बनाउने देखिएको छ।
प्रधानमन्त्री ओलीप्रति लक्षित यो सन्देशले धेरै नेपालीले नेताहरूबाट आवश्यक न्याय नपाएको कारण उत्पन्न निराशालाई दर्शाएको छ। प्रधानमन्त्रीको कार्यालयले अहिलेसम्म शाहको पोस्टमा कुनै प्रतिक्रिया जनाएको छैन, तर यसले न्यायका सवालमा सरकारको भूमिका पुनः विवादमा ल्याउने सम्भावना छ।
सार्वजनिक प्रतिक्रिया
शाहको यो पोस्ट सामाजिक सञ्जालमा भाइरल भएपछि धेरैले उनको भनाइलाई समर्थन गरेका छन्। शाहको साहसिक कदमको प्रशंसा गर्दै, पीडित बालिकाहरूको न्यायका लागि बोल्न आवश्यक रहेको बताएका छन्। पोस्टमा आएको प्रतिक्रिया देख्दा, सरकारको निष्क्रियताप्रति जनताको निराशा स्पष्ट देखिएको छ।
तर केहीले भने बाल दिवसलाई राजनीतिक रंग दिनु उचित नभएको भन्दै शाहको आलोचना पनि गरेका छन्। बाल दिवसले बालबालिकाको उत्सव मनाउनुपर्ने दिनमा राजनीतिक आलोचना गर्न उचित नभएको उनीहरूको भनाइ छ। यद्यपि, शाहको यो टिप्पणीले बाल सुरक्षा र न्यायको अवस्थाबारे राष्ट्रव्यापी बहसलाई फेरि पनि अगाडि ल्याएको छ।
बालेन शाहको निरन्तर सामाजिक वकालत
स्वतन्त्र उम्मेदवारका रूपमा राजनीतिक उचाइमा पुगेका मेयर बालेन शाह सामाजिक न्याय र शहरी विकासलाई आफ्नो प्रमुख एजेन्डा बनाउँदै आएका छन्। सामाजिक सञ्जालमा जनतासँग प्रत्यक्ष संवाद गर्दै आएका शाहको स्पष्ट र सोझो शैलीले उनलाई समर्थन र आलोचना दुवै दिलाएको छ। तर उनले आफ्नो एजेन्डालाई निरन्तर अघि बढाइरहेका छन्।
बाल दिवसको अवसरमा शाहको यो पोस्टले राष्ट्रलाई बालबालिकाको सुरक्षाको लागि अझै लामो बाटो तय गर्नुपर्ने तथ्य स्मरण गराएको छ।
सत्य, तथ्य र स्वतन्त्र सामूदायिक डिजिटल मिडिया
