देशभर चर्चित मेडिकल व्यवसायी दुर्गा प्रसाईंलाई साइबर अपराधको आरोपमा भक्तपुरस्थित घरबाट पक्राउ गरिएको खबरले सनसनी मच्चायो। ४० हजार रुपैयाँ धरौटीमा रिहा भएलगत्तै, केन्द्रीय अनुसन्धान ब्यूरो (सीआईबी) ले उनलाई आपराधिक लाभ र संगठित अपराधको मुद्दामा फेरि पक्राउ गर्यो।
प्रसाईंका तर्फबाट दायर गरिएको बन्दी प्रत्यक्षीकरण रिटमा सर्वोच्च अदालतले उनलाई रिहा गर्न आदेश दिएपछि मात्र उनी सीआईबीको हिरासतबाट मुक्त भए। अदालतले विद्युतीय कारोबार ऐन, २०६३ अन्तर्गतको अनुसन्धानमा कानुनी प्रक्रिया मिचेर थुनामा राखिएको ठहर गर्दै रिहाईको आदेश दिएको थियो। संविधानले दिएको व्यक्तिगत स्वतन्त्रताको हकमा गम्भीर असर परेको भन्दै अदालतले प्रसाईंलाई तुरुन्तै छोड्न आदेश दियो।
यो घटनाको सुरुवात प्रसाईंले प्रधानमन्त्री केपी शर्मा ओलीले कम्बोडियाको टेलिकम कम्पनीमा लगानी गरेको दाबी गर्दै सार्वजनिक गरेको कथित ‘प्रमाण’ बाट भएको थियो। उनले केही भिडियो फूटेजहरू सार्वजनिक गरेपछि मंसिर ४ गते सीआईबीले उनलाई घरबाटै पक्राउ गरेको थियो।
प्रसाईंको गिरफ्तारी र त्यसपछिका कानुनी प्रक्रियाले धेरै प्रश्न उठाएको छ। के साइबर अपराधको नाममा गरिएको पक्राउ उचित थियो? उनले सार्वजनिक गरेका कागजातहरू कत्तिको सही छन्? यस घटनाले नेपालको साइबर अपराध र संगठित अपराध सम्बन्धी कानुनी व्यवस्थामा बहस सिर्जना गरेको छ।
सर्वोच्च अदालतको आदेशानुसार हिरासतबाट रिहा भएपछि प्रसाईले भने, “शासक मरे पनि न्याय मर्दैन। राज्यका केही निकायमा विश्वास खण्डित भए पनि न्यायपालिका पवित्र छ।” उनले राज्यका अन्यायविरुद्ध र नागरिकको पक्षमा बोलेको कारण प्रशासनिक हिरासत र झूटा आरोपहरू सहनुपरेको बताए। “अन्ततः सत्यको जित भएको छ, जसले गर्दा सर्वोच्च अदालतले मलाई रिहा गरेको छ,” उनले भने। प्रसाईले विभिन्न दलका नेताहरू, नागरिक समाज, मानव अधिकारकर्मी, पत्रकार, शुभचिन्तक र न्यायप्रेमी सबै नागरिकहरूलाई उनीहरूको समर्थनको लागि हार्दिक आभार व्यक्त गरे। “उही उत्साह, उमंग र साहसका साथ, तपाईंको दुर्गा प्रसाई मैदानमा खडा हुनेछ,” उनले भने, “थप विवरण पछि आउनेछ।
सर्वोच्च अदालतले आज दुर्गा प्रसाईंलाई रिहा गर्न दिएको आदेशको पाठ पढ्दा, नेपालका सरकार, सरकारी वकिल, भ्रष्ट नेताहरू र प्रहरी मिलेमतोमा कतिसम्म गिरेर कानुनको चरम दुरुपयोग गरी नागरिकलाई कसरी पक्राउ गरी थुन्ने र यातना दिने गर्दछन् भन्ने कुरा स्पष्ट हुन्छ। संक्षिप्त आदेश पढनुहोसः
सत्य, तथ्य र स्वतन्त्र सामूदायिक डिजिटल मिडिया
