वासिङ्टन, डी.सी. – राष्ट्रपति जो बाइडेनले सोमबार संघीय मृत्युदण्डमा रहेका ३७ व्यक्तिका मृत्युदण्ड सजाय माफी गरी उनीहरूको सजायलाई बिना पैरोल आजीवन कारावासमा रूपान्तरण गरेका छन ।
यो निर्णयलाई राष्ट्रपति बाइडेनको न्याय सुधारतर्फको ऐतिहासिक कदम मानिएको छ। आतंकवाद र घृणात्मक सामूहिक हत्याका घटनाहरूमा भने यो माफी लागू गरिएको छैन।
राष्ट्रपति बाइडेनले संघीय मृत्युदण्डको कार्यान्वयन रोक्ने घोषणा आफ्नै प्रशासनको सुरुवातमै गरेका थिए । उनले यसअघि करिब १,५०० व्यक्तिलाई क्षमा दिने, साधारण लागू औषध प्रयोग तथा LGBTQI+ सदस्यहरूप्रति भएका अन्यायपूर्ण सजाय माफी गर्नेजस्ता निर्णय पनि गरिसकेका छन।
यस निर्णयले मृत्युदण्डविरुद्ध लडिरहेका अधिकारकर्मीहरूबाट प्रशंसा पाएको छ भने केही आलोचकहरूले यसले पीडित परिवारप्रति अन्याय हुने बताएका छन्।
राष्ट्रपति बाइडेनको यो कदम संघीय मृत्युदण्ड अन्त्य गर्ने दिशामा ऐतिहासिक निर्णयका रूपमा लिइएको छ, जसले न्याय प्रणालीमा सुधार र मानवता पक्षलाई अघि बढाएको छ।
सत्य, तथ्य र स्वतन्त्र सामूदायिक डिजिटल मिडिया
