शनिबार त्रिवि क्रिकेट मैदानमा भएको जिम्बाब्बे ए विरुद्धको दोस्रो एकदिवसीय क्रिकेटमा नेपाल ९ विकेटले विजयी भएको छ । शुरुमा ब्याटिङ्ग गरेको जिम्बाब्बेले दिएको ८८ रनको लक्ष्यलाई नेपालले ११.२ ओभरमा एक विकेट गुमाउदै भेटाएको थियो ।
टस हारेर पहिले ब्याटिङ गरेको जिम्बावे ३१.५ ओभरमा ८७ रनमै अलआउट भएको थियो ।
नेपालका तर्फ बाट ओपनर ब्याट्सम्यान सुनिल धमलाले ३८ रन बनाएका थिए। त्यस्तै , अर्का ओपनर आसिफ शेखले ३४ र विनोद भण्डारी ४ रनमा अविजित रहेका थिए।
यस अघिको पहिलो खेलमा जिम्बाब्बे ए ले जीत हासिल गरेको थियो। नेपालको यस जितसँगै तीन खेलको सिरिजमा दुई एकदिवसीय सिरिज १-१ को बराबरी भएको छ ।
जिम्बावेका तर्फ बाट जोनाथन काम्पबेलले सबैभन्दा बढी २७ रन बनाएका थिए । ब्राड इभान्सले नटआउट २० रन र केफास जुहाओले १० रन जोडे भने अन्य ८ ब्याट्सम्यान पहिलो अंकमा नै अल आउट भएका थिए ।
नेपालका करण केसी र सोमपाल कामीले ३-३ विकेट लिए का थिए भने क्याप्टेन सन्दीप लामिछानेले २ विकेट र सागर ढकालले १ विकेट लिएका थिए ।
दोश्रो खेलको बिजय संगै प्लेयर अफ द म्याच करण केसीले हात पारे।
अन्तिम तथा निर्णायक एक दिवसीय खेल आगामी सोमबार हुने क्यानले जनाएको छ।
सत्य, तथ्य र स्वतन्त्र सामूदायिक डिजिटल मिडिया
