काठमाडौं महानगरपालिकाको मतगणना अन्तिम चरणमा पुगेको छ । अब वडा नम्बर १४ को मात्रै मतगणना आउन बाँकी छ । मतगणना सकिनुअघि नै मेयरका स्वतन्त्र उम्मेदवार बालेन साहले गन्न बाँकी भन्दा बढी मतान्तर बनाएसँगै विजयी भएका हुन् । अब औपचारिक घोषणा हुन मात्र बाकि रहेको छ।
विजयको औपचारिक प्रतिक्षामा रहेका बालेन राष्ट्रिय सभागृहमा आएका छन् । उनका समर्थकहरु समेत जम्मा हुन थालेका र विशाल र्याली निकाल्ने तयारीमा छन।
स्बतन्त्र उम्मेदवारी दिएका बालेनलाई यसपालीको निर्वाचनमा ठूलो संख्याका युवाहरूले समर्थन र साथ दिएको देखिएको छ । मतगणना भएको स्थान राष्ट्रिय सभागृह अगाडि केही दिनदेखि नै उनीहरूले बालेनको विजय उत्सव मनाउन थालेका छन् ।
बालेनका समर्थनमा युवाहरू लगायत समर्थकहरू उनको पक्षमा नारा लेखिएका टिसर्ट पहिरिएर नाचगान र उत्सवमा सहभागी भएका छन् ।
काठमाडौं महानगरपालिकामा काँग्रेस र एमालेको बलियो संगठनलाई तोड्दै बालेन मेयरमा विजयी भएका हुन् । यस्तै, उपमेयरमा भने एमालेकी सुनिता डंगोल भारी मतान्तरका साथ विजयी भएकी छन् ।
सत्य, तथ्य र स्वतन्त्र सामूदायिक डिजिटल मिडिया
