क्यानडियन गायक जस्टिन बीबरले आफु हाल राम्से हन्ट सिन्ड्रोम नामक रोगसँग जुधिरहेको बताएका छन् । बीबरले आफ्नो इंस्टाग्राम अकाउन्ट मार्फत आफ्नो अनुहारको आधा भागमा प्यारालाइसिस भएको जानकारी दिएका छन् ।
२८ बर्षिय बीबरले आफ्ना शुभचिन्तकहरुलाई सम्बोधन गर्दै इन्स्टाग्राममा पोस्ट गरेको भिडियाेमा भनेका छन् – “तपाईं देख्न सक्नुहुन्छ म एउटा आँखा झिम्क्याउन नै सक्दिनँ । मलाई ‘राम्से हन्ट सिन्ड्रोम’का रोग लागेको हो । मेरो एकातिरको भाग नचल्दा म हाँस्न सकेको छैन । अनुहारको एक साइड त पुरै प्यारालाइसिस भएछ जसले मेरो छाला, दिमाग, शक्ति लगायतक मेरै स्वास्थ्यलाई असर गरेको छ”।
बिबरले आफुलाई भएको यस संक्रमणको बारेमा आगामी डकुमेन्ट्री श्रृंखला ‘जस्टिन बीबर : सिजन्स’मा पनि बताउने भएका छन् । १० भागको यो कार्यक्रम जनवरी २७ मा रिलिज हुने बताइएको छ ।
सत्य, तथ्य र स्वतन्त्र सामूदायिक डिजिटल मिडिया
