तीन खेलको एकदिवसीय सिरिजमा नेपालले घरेलु टोली केन्याविरुद्धको तीन वटै खेल जितेर क्लिन स्वीप गरेको छ । सोमबार भएको तेस्रो तथा अन्तिम खेलमा नेपालले केन्यालाई ६ विकेटले हरायो । नैरोवीस्थित जिमखाना क्रिकेट मैदानमा सोमबार उक्त खेल खेलीएको थियो।
यससँगै नेपालले सिरिज ३–० ले जितेको छ ।
यसअघिको पहिलो खेलमा नेपाल सात विकेट र दोस्रो खेल १७ रनले विजयी भएको थियो । केन्याले दिएको दुई सय ५६ रनको चुनौतीपूर्ण लक्ष्य नेपालले ४७.१ ओभरमा चार विकेटको क्षतिमा पूरा गरेको हो ।
नेपालका तर्फ बाट जितमा अर्जुन साउद, आसिफ शेख र वसिर अहमदले अर्धसतकीय इनिङ्स खेलेका थिए । अर्जुनले ५८, आसिफले ५६ र वसिरले अविजित ५२ रन बनाए । कप्तान रोहित पौडेलले अविजित ४६ र ज्ञानेन्द्र मल्लले ३३ रन बनाए भने बलिङमा केन्याका भिराज पटेल, सेम एन्गोचे र याश तालातीले एक एक विकेट लिएका थिए ।
केन्याले टस जितेर पहिले ब्याटिङ गरेको निर्धारित ५० ओभरमा ९ विकेटको क्षतिमा दुई सय ५५ रन बनाएको थियो । केन्याका लागि कोलिन्स अबुयाले सर्वाधिक ८४ रन, लुकास एनडानडासनले अविजित ५९, सुखदिप सिंहले ३७, इमानुएल बुन्डीले २३ र कप्तान शेम एनगोचे १७ रन बनाएका थिए ।
नेपालका सोमपाल कामी र आदिल अन्सारीले दुई दुई विकेट लिएका थिए भने वसिर अहमद र साहब आलमले एक एक विकेट लिएका थिए । यसअघि नेपालले केन्याविरुद्ध पाँच खेलको टी–२० सिरिज पनि ३–२ ले जितेको थियो ।
सत्य, तथ्य र स्वतन्त्र सामूदायिक डिजिटल मिडिया
