राष्ट्रपति विद्यादेवी भण्डारीले नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा देहाय बमोजिमको नियुक्ति, हेरफेर र कार्य विभाजन गरी मन्त्रिपरिषद् गठन गर्नुभएको छ ।
आजै राष्ट्रपति भवनमा आयोजित विशेष समारोहमा राष्ट्रपति विद्यादेवी भण्डारीसमक्ष नवनियुक्त उपप्रधान मन्त्री र मन्त्रीहरूले नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिएका छन् ।
साथै, प्रधानमन्त्रीसमक्ष नवनियुक्त राज्यमन्त्रीहरू डा. तोसिमा कार्की र श्री दिपक बहादुर सिंहले नेपालको संविधानको धारा ८० बमोजिम राज्यमन्त्री पदको पद तथा गोपनीयताको शपथ लिएका थिए ।
को को बने मन्त्री ? बरियताक्रम अनुसार पूर्ण बिवरण यस प्रकार छ :
| क्र.सं. | नाम, थर | पद | कार्यविभाजन |
| १. | श्री पुष्पकमल दाहाल “प्रचण्ड” | प्रधानमन्त्री | वन तथा वातावरण; युवा तथा खेलकुद |
| २. | श्री विष्णुप्रसाद पौडेल | उपप्रधानमन्त्री | अर्थ |
| ३. | श्री नारायणकाजी श्रेष्ठ | उपप्रधानमन्त्री | भौतिक पूर्वाधार तथा यातायात |
| ४. | श्री रबि लामिछाने | उपप्रधानमन्त्री | गृह |
| ५. | श्री राजेन्द्रप्रसाद लिङ्देन | उपप्रधानमन्त्री | ऊर्जा, जलस्रोत तथा सिँचाई |
| ६. | श्री रेखा शर्मा | मन्त्री | सञ्चार तथा सूचना प्रविधि |
| ७. | श्री विक्रम पाण्डे | मन्त्री | शहरी विकास |
| ८. | श्री ज्वाला कुमारी साह | मन्त्री | कृषि तथा पशुपंक्षी विकास |
| ९. | श्री दामोदर भण्डारी | मन्त्री | उद्योग, वाणिज्य तथा आपूर्ति |
| १०. | श्री राजेन्द्रकुमार राई | मन्त्री | भूमि व्यवस्था, सहकारी तथा गरिबी निवारण |
| ११. | श्री अब्दुल खान | मन्त्री | खानेपानी |
| १२. | डा. विमला राई पौड्याल | मन्त्री | परराष्ट्र |
| १३. | श्री पदम गिरी | मन्त्री | स्वास्थ्य तथा जनसङ्ख्या |
| १४. | श्री भगवती चौधरी | मन्त्री | महिला, बालबालिका तथा ज्येष्ठ नागरिक |
| १५. | श्री हरिप्रसाद उप्रेती | मन्त्री | रक्षा |
| १६. | श्री सुदन किराती | मन्त्री | संस्कृति, पर्यटन तथा नागरिक उड्डयन |
| १७. | श्री अमनलाल मोदी | मन्त्री | सङ्घीय मामिला तथा सामान्य प्रशासन |
| १८. | श्री शिशिर खनाल | मन्त्री | शिक्षा, विज्ञान तथा प्रविधि |
| १९. | श्री डोलप्रसाद अर्याल | मन्त्री | श्रम, रोजगार तथा सामाजिक सुरक्षा |
| २०. | श्री ध्रुवबहादुर प्रधान | मन्त्री | कानुन, न्याय तथा संसदीय मामिला |
| २१. | श्री सुशिला सिर्पाली ठकुरी | राज्यमन्त्री | संस्कृति, पर्यटन तथा नागरिक उड्डयन |
| २२. | डा. तोसिमा कार्की | राज्यमन्त्री | स्वास्थ्य तथा जनसङ्ख्या |
| २३. | श्री दिपक बहादुर सिंह | राज्यमन्त्री | ऊर्जा, जलस्रोत तथा सिँचाई |
लेखक
सत्य, तथ्य र स्वतन्त्र सामूदायिक डिजिटल मिडिया
