अमेरिकी राष्ट्रपति जो बाइडेनको युक्रेन भ्रमणपछि रुसी राष्ट्रपति भ्लादिमिर पुटिनले कडा कदमको घोषणा गरेका छन् । उनले अमेरिकासँगको एकमात्र बाँकी रहेको आणविक सन्धि पनि स्थगित गरेका छन् । यो सन्धि ‘न्यू स्टार्ट न्यूक्लियर ट्रीटी’ भनेर चिनिन्थ्यो।
पुटिनले अमेरिकाले आणविक हतियार परीक्षण गरे रुस पनि त्यसै गर्न तयार रहेको बताएका छन ।
यो परमाणु सन्धि दुई देशहरू बीच सन २०१० मा सहमति भएको थियो। यो रुस-अमेरिका बीचको एकमात्र परमाणु सन्धि थियो। यो पनि अहिले रोकिएको छ । यो सन्धि दुवै पक्षको रणनीतिक आणविक हतियार सीमित गर्न गरिएको थियो।
सन्धिमा के छ ?
सन् २०१० मा प्रागमा नयाँ स्टार्ट सन्धिमा हस्ताक्षर भएको थियो। यो सन्धि अर्को वर्ष लागू भएको थियो र अमेरिकी राष्ट्रपति जो बाइडेनले पदभार ग्रहण गरेलगत्तै २०२१ मा पाँच वर्षको लागि विस्तार गरिएको थियो। यो सन्धिले अमेरिका र रुसले तैनाथ गर्न सक्ने रणनीतिक आणविक हतियारको संख्यालाई सीमित गर्दछ। यस मार्फत, भूमि र पनडुब्बी आधारित मिसाइल र बमवर्षकको तैनाती सीमित छ।
सत्य, तथ्य र स्वतन्त्र सामूदायिक डिजिटल मिडिया
