इन्डोनेसियाको पूर्वी प्रान्त उत्तरी मालुकुमा शुक्रबार बिहान ६.८ म्याग्निच्युडको भूकम्प गएको छ। अधिकारीहरूका अनुसार भूकम्पबाट मानवीय वा क्षति भने भएको छैन ।
बिहान ३ बजेर २ मिनेटमा भूकम्प गएको हो । स्थानीय समय शुक्रवार यसको केन्द्रबिन्दु मोरोटाई टापु जिल्लाको १३३ किमी उत्तरपश्चिममा र समुद्रको तल ११२ किलोमिटरको गहिराइमा अवस्थित छ, र सुनामी ट्रिगर नगरेको, इन्डोनेसियाको मौसम मापन एजेन्सीले भनेको छ ।
भूकम्पको धक्का नजिकैको उत्तरी सुलावेसी प्रान्तमा पनि महसुस गरिएको एजेन्सीले जनाएको छ ।
हालसम्म भूकम्पको धक्काले भवन वा पूर्वाधारमा कुनै क्षति पुगेको छैन, राष्ट्रिय विपद् व्यवस्थापन तथा न्यूनीकरण एजेन्सीका प्रवक्ता अब्दुल मुहारीलाइ उदृत गर्दै सिन्ह्वा समाचार एजेन्सीले जनाएको छ ।
“भूकम्प पछि कुनै क्षति वा हताहतीको प्रारम्भिक रिपोर्ट नभएको ,” प्रवक्ताले फोनमा सिन्ह्वालाई भनेका छन् ।
“मोरोताई टापु जिल्लाका बासिन्दाहरूले भूकम्पको धक्का महसुस गरेका थिए , तर तिनीहरू आत्तिएनन्,” उत्तरी मालुकु प्रान्तको प्रकोप एजेन्सीको आपतकालीन इकाईका प्रमुख युसरी ए कासिमले सिन्ह्वालाई फोनमा भनेका छन् ।
इन्डोनेसिया “प्यासिफिक रिङ अफ फायर” भनिने भूकम्प प्रभावित क्षेत्रमा पर्दछ ।
(सिन्ह्वा समाचार एजेन्सीको सहयोगमा)
सत्य, तथ्य र स्वतन्त्र सामूदायिक डिजिटल मिडिया
