गत महिना टर्की र सिरियामा गएको विनाशकारी भूकम्पले ठूलो क्षति पु¥याएको छ । टर्कीमा मात्रै १०० अर्ब डलरभन्दा बढीको नोक्सानी भएको छ । संयुक्त राष्ट्रसंघीय विकास कार्यक्रम (युएनडीपी) का एक अधिकारीले मंगलबार पत्रकार सम्मेलनमा उक्त जानकारी दिएका हुन् ।
हालसम्मको गणनाले सरकारले प्रस्तुत गरेको र अन्तर्राष्ट्रिय साझेदारहरूले समर्थन गरेको नोक्सानको आँकडा १०० अर्ब डलर नाघेको देखाउँछ, युएनडीपीका लुइसा भिन्टनले भिडियो लिङ्क मार्फत संचार माध्यमलाई बताइन्।
हालसम्म ५२ हजारभन्दा बढीको मृत्यु
फेब्रुअरी ६ मा टर्की र सिरियामा गएको विनाशकारी भूकम्पमा ५२ हजारभन्दा बढीको मृत्यु भएको छ । टर्कीमा मात्रै अहिलेसम्म ४५ हजारभन्दा बढी मानिसको मृत्यु भइसकेको छ ।
फेब्रुअरी ६ मा टर्की र सिरियामा ७.८ म्याग्निच्युडको भूकम्प गएको थियो र विनाशका अनगिन्ती कारूणिक तस्विरहरु सार्वजनिक भएका थिए।
विश्व बैंकले यसअघि टर्कीलाई ३४.२ बिलियन डलरको नोक्सानी हुने अनुमान गरेको थियो । उही समयमा, लुइसा विन्टनले टर्कीको सबैभन्दा प्रभावित प्रान्त हातेको दृश्यलाई ‘अपोक्यालिप्टिक’ भनेर वर्णन गरेकी छन। उनले लाखौं घरमा क्षति पुगेको बताएकी छन ।
डेढ लाखभन्दा बढी भवनमा क्षति पुगेको टर्कीका वातावरण तथा शहरीकरण मन्त्री मुरात कुरुमले विनाशकारी भूकम्पका कारण १,६४,००० भवन या त भत्किएका वा क्षतिग्रस्त भएको बताएका थिए ।
विनाशकारी भूकम्पपछि टर्की र सिरियाका लागि धेरै ठाउँबाट सहायता आइरहेको छ।
सत्य, तथ्य र स्वतन्त्र सामूदायिक डिजिटल मिडिया
