सोमालिया सरकारको अनुरोधमा अमेरिकी सशस्त्र सेनाले अल-शबाब आतंकवादी समूह विरुद्ध हवाई हमला गर्दा समूहका १३ विद्रोहीको मृत्यु भएको छ ।
सोमाली राष्ट्रिय सेनासँगको सहकार्यमा अमेरिकी अफ्रिका कमाण्डले उक्त कारबाहीमा १३ अल-शबाब लडाकूको मृत्यु भएको अमेरिकी अफ्रिका कमाण्डले आइतवार एक बिज्ञप्ति मार्फत बताएको छ। कमाण्डले हवाई आक्रमणमा कुनै पनि नागरिकको हताहत नभएको बताएको छ।
विज्ञप्तिमा भनिएको छ कि सटीक हवाई आक्रमण लगभग ४५ किलोमिटर (२७. ९ माइल) उत्तरपश्चिम किस्मायो शहरमा गरिएको थियो। लामो समयदेखि अल-शबाबले आफ्नो गतिविधि गर्दै आएको यस क्षेत्रमा समूहको गतिबिधिलाई रोक्न र उनीहरुको क्षमतालाई कमजोर बनाउन चयन गरिएको कमाण्डले विज्ञप्तिमा जनाएको छ ।
अल-शबाब एक सोमालियामा आधारित जिहादी आतंकवादी समूह हो जुन अल-कायदा आतंकवादी समूह सँग सम्बन्धित छ। यो समूह सोमाली सरकार विरुद्ध सशस्त्र प्रतिरोधमा संलग्न रहेको छ र लगातार राष्ट्रिय सुरक्षा र देश भित्र अन्तर्राष्ट्रिय मानवीय प्रयास दुवैलाई चुनौती दिदै आएको छ ।
सत्य, तथ्य र स्वतन्त्र सामूदायिक डिजिटल मिडिया
