नेपाल वाग्मती प्रदेश क्रिकेट संघको अध्यक्षमा राष्ट्रिय क्रिकेट टोलीका पूर्व कप्तान पारस खड्का निर्वाचित भएका छन् ।
शुक्रबार भएको निर्वाचनमा खड्काले प्रतिस्पर्धी उमेश पियालाई ९ मतले पराजित गरेका हुन् । पूर्व कप्तानले २३ मत प्राप्त गरे भने पियाले १४ मत प्राप्त गरे ।
वाग्मती प्रदेशका अधिकांश जिल्लाले क्रिकेट गभर्निङ बोडीको प्रदेश अध्यक्षमा खड्कालाई समर्थन गर्ने घोषणा गरेका थिए ।
वाग्मतीका ६ जिल्लामध्ये काठमाडौं, भक्तपुर, मकवानपुर र ललितपुरका चार जिल्ला संघका नवनिर्वाचित अध्यक्षहरुले संयुक्त पत्रकार सम्मेलन गरी खड्काको उम्मेदवारीलाई समर्थन गरेका छन् । तर नुवाकोट र चितवन च्याप्टरले खड्कालाई समर्थन गरेनन् ।
शुक्रबार सम्पन्न संघको दोस्रो महाधिवेशनले खड्काको संयोजकत्वमा १३ सदस्यीय कार्यसमिति चयन गरेको हो ।
लेखक
सत्य, तथ्य र स्वतन्त्र सामूदायिक डिजिटल मिडिया
