नेपाली क्रिकेट टोलीले बुधबार तीनवटा विश्व कीर्तिमान बनाएर टी–२० खेलमा ३०० भन्दा बढी रन बनाउने पहिलो टोली बनेको छ । नेपालले चीनमा जारी एसियाली खेलकुद २०२३ मा मंगोलिया विरुद्ध ३ विकेटको क्षतिमा ३१४ रन बनाएर अफगानिस्तानले २०१९ मा आयरल्याण्ड बिरुद्धको ३ विकेटको २७८ रनको पुरानो कीर्तिमान तोडेको हो ।
नेपालको इनिङ्सलाई कुशल मल्ल र दीपेन्द्र सिंह ऐरीको सनसनीपूर्ण ब्याटिङ्गले बलियो स्कोर बनाएउन मद्वत गरेको थियो, जसमा दुवैले व्यक्तिगत उपलब्धि हासिल गरेका थिए।
एसियाली खेलकुद अन्तर्गत बुधबार मङ्गोलियाविरुद्धको पुरुष टी–२० खेलमा नेपालका कुशल मल्लले सबैभन्दा छिटो शतक बनाएर क्रिकेट इतिहासको किताबमा आफ्नो नाम लेखाएका छन् ।
१७ वर्षीय बायाँ हाते खेलाडी कुशल मल्लले भारतका रोहित शर्मा, दक्षिण अफ्रिकाका डेभिड मिलर र चेक गणतन्त्रका सुदेश विक्रमसेकराले बनाएको ३५ बलमा पुरानो कीर्तिमान तोड्दै ३४ बलमा शतक पुरा गरेका छन् ।
मल्लको ५० बलमा १२ छक्का र ९ चौका सहितको नटआउट १३७ रनको धमाकेदार प्रहारले नेपालले २० ओभरमा ३१४/३ को विशाल स्कोर हासिल गर्ने सकेको थियो – जुन पुरुषको टी – २० खेलमा अहिलेसम्मकै उच्च स्कोर हो।
यस अघिको अफगानिस्तानले आयरल्याण्ड विरुद्ध २७८/३ र चेक गणतन्त्रले टर्कीविरुद्ध २७८/४ को उच्च स्कोर बनाएका थिए जसलाई नेपालले तोडेको छ। को थियो, दुबै २०१९ मा हासिल गरेका थिए।
कप्तान रोहित पौडेलले २७ बलमा रोमाञ्चक ६१ रन बनाएर मल्ललाई साथ् दिएका थिए ।
अर्का खेलाडी दिपेन्द्र सिंह एरीले १० बलमा ८ छक्का र दुई चौका प्रहार गर्दै अविजित ५२ रन बनाए। एरीको अर्धशतक पुरुषको टी-२० खेलमा अहिलेसम्मको सबैभन्दा छिटो अर्धशतक हो। यस अघि २००७ मा इङ्गल्याण्ड विरुद्ध भारतका युवराज सिंहले १२ बलमा बनाएको अर्धशतकको रेकर्ड लाई हराए।
नेपालले आफ्नो इनिङ्समा कुल २६ छक्का प्रहार गरेको छ, जुन इतिहासमा एकै इनिङ्समा टिमले बनाएको सर्वाधिक छक्काको संख्या हो। यससँगै नेपालले २०१९ मा अफगानिस्तानको २२ छक्काको कीर्तिमान समेत तोडेका छन् ।
मङ्गोलियासँग नेपालको तिब्र बलिङ्ग आक्रमणको कुनै जवाफ थिएन र १३.१ ओभरमा ४१ रनमा अलआउट भएको थियो । केवल एक मङ्गोलियन ब्याट्सम्यान दावासुरेन जम्यानसुरेनले दोहोरो अंकको स्कोर बनाउन सके जसमा उनले २३ बलमा १० रन बनाएका थिए । नेपालले अर्को खेल अक्टोबर १ मा माल्दिभ्ससँग खेल्नेछ ।
नेपालका स्पिनरले ९ विकेट लिए भने सन्दीप लामिछानेले ४/८ र सोमपाल कामीले ३/६ लिए ।
एसियाली खेलकुदमा सोमबार भुटानलाई ९ विकेटले पराजित गरेको नेपालको यो दोस्रो जित हो ।
नेपालले यसै वर्ष अष्ट्रेलियामा हुने आईसीसी पुरुष टी–२० विश्वकपमा छनोट हुने लक्ष्य राखेको छ ।
नेपाली टिम यस वर्षको सुरुमा जिम्बाब्वेमा आईसीसी पुरुष क्रिकेट विश्वकप छनोटमा पुगेको थियो तर श्रीलंका र नेदरल्यान्ड्सले अन्तिम दुई स्थानहरू जितेकाले टूर्नामेंटको लागि छनौट हुन सकेन।
सत्य, तथ्य र स्वतन्त्र सामूदायिक डिजिटल मिडिया
