हमास विद्रोहीहरूले इजरायलमा गरेको भयानक हमलामा पर्दा मध्यपूर्व फेरि एकपटक गहिरो संकटमा फसेको छ। आक्रमणको पछिल्लो रिपोर्ट अनुशार ३ सय भन्दा बढी हताहत भएको रिपोर्ट आएको छ जसमा दुबै पक्षमा ठूलो क्षति भएको बताइएको छ।
गाजामा बन्धक बनाइ लगियो:
इजरायल टाइम्सका अनुसार, हमास लडाकुहरूले इजरायली क्षेत्रमा रकेटहरूद्वारा बमबारी जारी राख्दा धेरैलाई बन्धक बनाएका छन्। बन्धकहरूलाई गाजामा लगिएको छ। इजरायली बन्हधकरूको सुरक्षा र द्वन्द्वको सम्भावित वृद्धिको बारेमा चिन्ता बढेको छ।
तेल अवीवमा आक्रमण र आगलागी:
ब्यस्त शहर तेल अवीव पनि हमासको आक्रमणबाट अछुतो रहन सकेन। हमासद्वारा प्रहार गरिएका रकेटहरू सहरमा खसेका छन् र त्यहाँका बासिन्दाहरू आश्रयको लागि यताउता दौडिरहेको इजरायल टाइम्सले जनाएको छ । इजरायली आइरन डोम प्रतिरक्षा प्रणालीले आगमन क्षेप्यास्त्रलाई रोक्न अथक प्रयास गरिरहेको छ, तर स्थिति अत्यन्त तनावपूर्ण रहेको बताइएको छ।
अन्तर्राष्ट्रिय चासो बढ्यो:
अन्तर्राष्ट्रिय समुदायले यस द्रुत गतिमा विकसित घटनाक्रमलाई नजिकबाट नियालिरहेका छन। बढ्दो हिंसा र यस क्षेत्रमा थप अस्थिरताको जोखिममा विश्व नेताहरूले गहिरो चिन्ता व्यक्त गरेका छन्। तत्काल युद्धविरामको लागि आह्वान गर्दै शत्रुताको अन्त्य गर्न कूटनीतिक प्रयासहरू तिब्र पारिेएको छ ।
नागरिकमा पर्ने असर :
युद्धबाट सबैभन्दा बढी पीडित नागरिकहरू भएका छन। इजरायली र प्यालेस्टाइन दुवैले द्वन्द्वका कठिनाइहरू सहिरहेका छन तर निर्दोष जीवनहरू क्रस फायरमा फसेका छन्।
सत्य, तथ्य र स्वतन्त्र सामूदायिक डिजिटल मिडिया
