युक्रेन र रसियाबाट जाँदै गरेका दुई पानी जहाज टर्की नजिकैको मारमारा सागरमा शुक्रबार एक आपसमा ठोक्किएको स्थानीय सञ्चारमाध्यमले जनाएको छ। बालिकेसिर प्रान्तको मारमारा टापु नजिकै भएको उक्त दुर्घटनामा दुबै जहाजमा क्षति पुगेको छ ।
गहुँले भरिएको १३० मिटर लामो ड्राई कार्गो जहाज ‘हाजे हलिमेह’ युक्रेनी बन्दरगाह इज्मेलबाट स्पेनको भ्यालेन्सियातर्फ गइरहेको थियो। दुर्घटनामा संलग्न अर्को पानी जहाज १६९ मिटर लामो बल्क क्यारियर “एसोमाटोस” थियो, जसले रुसी बन्दरगाह काभकाजबाट इजरायलको अशदोदमा अन्न ढुवानी गरिरहेको थियो।
तटीय सुरक्षा महानिर्देशनालयले घटनाको पुष्टि गर्दै कुनै हताहत नभएको जानकारी दिएको छ। दुवै जहाजमा भएको क्षतिको विवरण अहिले मूल्यांकन भइरहेको छ।
मरीन ट्राफिक, एक अनलाइन जहाज ट्र्याकिङ प्लेटफर्मले जनाए अनुसार युक्रेनको हाजे हलिमेह कोमोरोसको झण्डा बोकी यात्रा गरिरहेका थिए, जबकि रुसको एसोमाटोस जहाजमा पनामाको झण्डा सहित यात्रा गरेको थियो।
घटनाको थप विवरण आउन बाँकी रहेकाले अनुसन्धान जारी छ ।
सत्य, तथ्य र स्वतन्त्र सामूदायिक डिजिटल मिडिया
