शुक्रबार राति पश्चिमी नेपालमा गएको ६.४ म्याग्निच्युडको शक्तिशाली भूकम्पमा कम्तीमा १५३ जनाको मृत्यु हुनुका साथै धेरै भवनमा क्षति पुगेको स्थानीय सञ्चारमाध्यमले जनाएका छन् ।
कर्णाली प्रदेशको जाजरकोट जिल्लालाई केन्द्रबिन्दु बनाएर स्थानीय समय अनुसार राति ११ बजेर ४७ मिनेटमा भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भूकम्पको धक्का भारतको राजधानी नयाँ दिल्लीसहित नेपालभर र उत्तरी भारतका केही भागमा महसुस गरिएको थियो ।
सबैभन्दा बढी प्रभावित क्षेत्र जाजरकोट, रुकुम पश्चिम र सल्यान जिल्लाहरू थिए, जहाँ दर्जनौं व्यक्तिको मृत्यु भएको छ र धेरै घरहरू भत्किएका छन। स्थानीय अधिकारीहरू र उद्धार टोलीहरू प्रभावित क्षेत्रमा पुगेर बाँचेकाहरूलाई राहत उपलब्ध गराउन काम गरिरहेका छन्।
संचार माध्यमको रिपोर्ट अनुसार, भूकम्पका कारण जाजरकोट र रुकुम (पश्चिम) मा गरेर २ सय ४८ विद्यालय भत्किएका छन्। सोमबारसम्म संकलन भएको तथ्याङ्क अनुसार २ सय ४८ विद्यालय भवन भत्किएका हुन् । १ सय ६ विद्यालय भवन पूर्ण रुपमा क्षति भएको छ।
भूकम्पका कारण केही ठाउँमा पहिरो जानुका साथै विद्युत् र सञ्चार सम्पर्कसमेत अवरुद्ध भएको छ ।
यसअघि सन् २०१५ मा ७.८ म्याग्निच्युडको विनाशकारी भूकम्पले मुलुकभर करिब ९ हजार मानिसको ज्यान गएको थियो भने २२ हजारभन्दा बढी घाइते भएका थिए ।
(समाचार अपडेट : कार्तिक २०, २०८०)
सत्य, तथ्य र स्वतन्त्र सामूदायिक डिजिटल मिडिया
