पश्चिम नेपालको जाजकोटमा आज फेरि दुई पटक भूकम्प गएको छ । जाजरकोट केन्द्रविन्दु भएर अपरान्ह ४ बजेर ३४ मिनेटमा पहिलो भूकम्प गएको हो । राष्ट्रिय भूकम्प मापन केन्द्रका अनुसार पहिलो परकम्प ५.८ रेक्टर स्केल मापन गरिएको छ । जाजरकोटको रामीडाँडा नै केन्द्रबिन्दु बनाएर ५.८ रेक्टर स्केलको परकम्प गएको बताइएको छ।
यसैगरी, पहिलो धक्का महसुस भएको ९ मिनेटपछि अपरान्ह ४ बजेर ४० मिनेटमा जाजरकोटकै पैंक केन्द्रविन्दु भएर दोश्रो परकम्प महसुस गरिएको छ। दोस्रो परकम्प ४.५ रेक्टर स्केलको झट्का महसुस गरिएको थियो ।
यसअघि शुक्रबार राति जाजरकोटको रामीडाँडा नै केन्द्रबिन्दु भएर ६.४ रेक्टर स्केलको भूकम्प गएको थियो। उक्त भुकम्पबाट जाजरकोट र रुकुमपश्चिममा १ सय ५७ जनाको मृत्यु भएको थियो भने सयौं घाइते भएका छन् । यसैगरी, धेरै ठूलो जनधनको नोक्सानी भएको छ।
थप विवरण प्राप्त हुन बाकी।
सत्य, तथ्य र स्वतन्त्र सामूदायिक डिजिटल मिडिया
