सोमवार कीर्तिपुरस्थित क्रिकेट मैदानमा खेलिएको टी–२० अभ्यास खेलमा नेपालले आयरल्यान्डमाथि जीत हासिल गरेको छ । सोमबार भएको खेलमा घरेलु टिम नेपालले आयरल्यान्ड विरूद्व ६ विकेटले हराएको हो ।
टस जितेर पहिले ब्याटिङ गरेको आयरल्यान्डले निर्धारित २० ओभरमा सबै विकेट गुमाएर १२१ रन बनाएको थियो । जसमा नेपालले १६.१ ओभरमै ४ विकेट गुमाएर जित हात पारेको हो ।
नेपालका लागि ओपनर कुशल भुर्तेलले ४ चौकासहित ३७ बनाए भने दीपेन्द्रसिंह ऐरीले १२ बलमा २ चौका र १ छक्कासहित २० रन बनाए । त्यस्तै ओपनर आसिफ शेखले १६ रनमा, कप्तान रोहित पौडेलले शून्य र गुलशन झाले ४ रन बनाएर आउट भए । त्यस्तै सन्दीप जोराले ३६ रन बनाएका थिए ।
आयरल्यान्डका ओपनर स्टेफन डोहेनीले ३९ बलमा ४ चौका र २ छक्कासहित सर्वाधिक ४६ रन बनाएका थिए । अन्य कुनै खेलाडिले भने राम्रो प्रदर्शन गर्न सकेनन् ।
नेपालका कुशल भुर्तेल, गुलशन झा र ललित राजवंशीले २–२ विकेट लिए । करण केसी र कुशल मल्लले १–१ विकेट लिएका थिए ।
दोस्रो खेल मंगलबार हुनेछ ।
सत्य, तथ्य र स्वतन्त्र सामूदायिक डिजिटल मिडिया
