देशैभर शुक्रबार भएको स्थानीय तहको निर्वाचनमा १६ जिल्लाका ७७ मतदान केन्द्रमा मतदान स्थगित भएको निर्वाचन आयोगले विज्ञप्ति जारी गर्दै जानकारी दिएको छ ।
आयोगका अनुसार राती १० बजे सम्म देशभरका स्थानीय तहको निर्वाचवमा ६४ प्रतिशत मतदान भएको छ। त्यस्तै राजनीतिक दलहरू र उम्मेदवारबीच विभिन्न कारणले उत्पन्न विवादपछि १६ जिल्लाका ७७ मतदान केन्द्रमा मतदान स्थगित भएको आयोगले विज्ञप्तिमा जनाएको छ। यी मतदान केन्द्रहरू २८ पालिकाका ४३ मतदान स्थलका छन्।
आयोगका अनुसार लुम्बिनी र गण्डकी प्रदेशका कुनै पनि मतदान केन्द्रमा मतदान स्थगित भएको छैन।
आयोगले विज्ञप्तिमा जनाए अनुसार यी स्थानहरूमा आयोगले अन्यथा निर्देशन दिएको अवस्थामा बाहेक सम्बन्धित निर्वाचन अधिकृतले पुन: मतदान हुने मिति र समय तोक्ने छन।
लेखक
सत्य, तथ्य र स्वतन्त्र सामूदायिक डिजिटल मिडिया
