बन्चरेडाँडामा काठमाडौंको फोहोर व्यवस्थापन कार्य सुरु भएको छ । फोहोर बोकेर पुगेका गाडीलाई अवरोध गर्न खोज्ने १४ जना स्थानीहरू पक्राउ परेपछि फोहोर व्यवस्थापन पुनः सुरु भएको हो ।
प्रहरी तैनाथ गरेर बञ्चरेडाँडा डम्पिङ साइटमा फोहोर खसाल्न थालिएको हो ।
उपत्यकामा थुप्रिएको फोहोर बोकेर बञ्चरेडाँडा पुर्याइएका काठमाडौं महानगरका गाडीलाई स्थानीय बासिन्दाले अवरोध गरेका गरेका थिए । फोहोर बोकेका गाडी रोक्न खोजेपछि प्रहरीले संघर्ष समितिका संयोजक सहित १४ जनालाई पक्राउ गरेको प्रहरीले जनाएको छ ।
सोमबार सम्बन्धित स्थानीय तहसमेतको सहमतिमा आजबाट फोहोर उठाउन थालिएको थियो । सोही सहमतिअनुसार बन्चरेडाँडामा फोहोर पठाइएको थियो । सहमतिबारे आफूहरूलाई थाहा नभएको, काठमाडौंमै बसेर कुरा मिलाइएको भन्दै स्थानीय बासिन्दाले फोहोरको गाडी हरु रोकेका थिए ।
सत्य, तथ्य र स्वतन्त्र सामूदायिक डिजिटल मिडिया
