रुसी आक्रमणबाट उक्रेनका प्रख्यात एक जना व्यवसायीको मृत्यु भएको छ । युक्रेनी सञ्चारमाध्यमका अनुसार आइतबार बिहान रुसले माइकोलेभ सहरमा गरेको आक्रमणबाट युक्रेनी धनाढ्य व्यवसायी ओलेक्सी भादातुर्स्की र उनकी पत्नी राइसाको मृत्यु भएको छ।
युक्रेनी राष्ट्रपतिद्वारा प्रदान गरिने उच्च राष्ट्रिय उपाधि ‘हिरो अफ यु्क्रेन’ अवार्डबाट सम्मानित ७४ वर्षीय ओलेक्सी अन्न निर्यात गर्ने कम्पनी निबुलोनका मालिकसमेत हुन् ।
स्थानिय मेयरका अनुसार माइकोलेभका सहरमा सबैभन्दा ठूलो बमबारी भएको थियो। बीबीसीका अनुसार माइकोलेभ सहरका प्रमुख होटेल, स्पोर्ट्स कम्प्लेक्स, विद्यालय र नागरिकका घरहरू रुसी आक्रमणबाट ध्वस्त भएका छन् ।
भिटाली किम, माइकोलेभ क्षेत्रका एक नेताका अनुसार व्यवसायी ओलेक्सीले त्यस क्षेत्रका लागि ठुलो सहयोग गरेका थिए ।
सन् २०२१ सम्मको तथ्यांकअनुसार ओलेक्सीको कुल सम्पत्ति ४ सय मिलियन डलर रहेको युक्रेनी मिडिया द किभ इन्डिपेन्डेन्टले जनाएको छ।
सत्य, तथ्य र स्वतन्त्र सामूदायिक डिजिटल मिडिया
