चर्चित नेपाली मूलका गायक अर्थर गन ‘दिवेश पोखरे’ ले नेपालमा सांगीतिक प्रस्तुति दिने भएका छन् । ‘होम कमिङ टुर’का लागि उनी नेपाल जान लागेका हुन्।
अर्थर सन् २०२० को अमेरिकन आइडल १८ औं सिजनको उपविजेता हुन। अर्थर अमेरिकामा बसोबास गर्दछन र यसै महिना नेपाल जाने कार्यक्रम भएको आयोजकले बताएका छन् ।
अर्थरले अगस्त २० देखि सेप्टेम्बर १६ सम्म काठमाडौं, पोखरा, चितवन, बुटवल, धरान लगायत सहरहरूमा प्रत्यक्ष साङ्गीतिक प्रस्तुति दिने भएका छन् ।
टुबोर्गले ब्रेन सर्भिसिङ र एम.एन्. इभेन्ट्ससँगको सहकार्यमा उनलाई नेपाल ल्याउने भएको हो ।
८ वटा गीतको आफ्नो पहिलो एल्बम ‘ग्रहण’ २०१८ मा बजारमा ल्याएका पोखरेलले अंग्रेजी गीत प्रस्तुतिमा उनले आइडलका लागि भएको अडिसनबाटै बब डिलनको ‘गर्ल फ्रम द नर्थ कन्ट्री’ र क्रिडेन्स क्लियरवाटर रिभाइभलको ‘ह्याब यु एभर सिन द रेन’ गीत गाएर आफ्नो फरक पहिचान बनाएका थिए ।
‘होम कमिङ टुर’मार्फत् नेपालमा सांगीतिक प्रस्तुतिकालागि जान लागेका अर्थरले टुरमा सहयोग गर्ने टुबोर्गप्रति खुशी व्यक्त गर्दै साथ दिने सबै शुभचिन्तकहरूको माझमा प्रस्तुति दिन आफु निक्कै उत्साहित भएको भनेका छन् ।
सत्य, तथ्य र स्वतन्त्र सामूदायिक डिजिटल मिडिया