अमेरिकाको मिसिसिपी राज्यको आकासमा एक व्यक्तिले अनाधिकृत रुपमा एउटा विमानलाई उडाई रहेको भिडियो सामाजिक संजालमा देखिएको छ । पाइलटले उक्त विमान चोरी गरेको र एक घण्टापछि अमेरिकाको उत्तरपूर्वी मिसिसिपी सहर टुपेलोमा विमानलाई अनियमित रूपमा उडाउँदै आएको संचार माध्यमले जनाएका छन् । विमान चोर्ने व्यक्तिले वालमार्टमा दुर्घटना हुने धम्की दिएका छन् । यस धम्कीपछि सावधानीका रूपमा सबै वालमार्ट स्टोरहरू बन्द गरिएको छ।
संचार माध्यमले जनाए अनुसार चोरी भएको विमान डबल इन्जिन ९ सिटर भएको विमान हो । विमान चोर्ने व्यक्ति विमानस्थलकै कर्मचारी भएको आशंका गरिएको छ । घटनास्थलमा सुरक्षा निकाय पुगेको प्रहरीले पाइलटसँग प्रत्यक्ष सम्पर्कमा रहेको र उनीसँग कुरा गरिरहेको बताईएको छ ।
टुपेलो प्रहरी विभागले मानिसहरूलाई तितरबितर हुन आग्रह गरेको छ। यसका साथै सबै आपतकालीन सेवालाई अलर्टमा राखिएको छ । यो किङ एयरको विमानको गति २०६ माइल प्रतिघण्टा छ र १,१०० फिटको उचाइमा रहेको जनाइएको छ।
प्रहरीका अनुसार उनीहरूलाई पहिलो पटक बिहान ५ बजे मिसिसिपीको टुपेलोमा एक गलत पाइलटले विमान उडाएको सूचना पाएको थियो। पाइलटले ९११ मा फोन गरेर जानाजानी वालमार्टमा विमान दुर्घटनाको धम्की दिएको समेत प्रहरीले फेसबुक मार्फत भनेको छ । ट्वीटरमा पोष्ट गरिएको भिडियोमा विमानलाई आकासमा अनियमित रूपमा उडिरहेको देख्न सकिन्छ। घटनापछि नागरिकलाई सचेत रहन आग्रह गरिएको छ । अवस्था छिट्टै बिग्रन सक्ने प्रहरीले आशंका गरेको छ ।
सत्य, तथ्य र स्वतन्त्र सामूदायिक डिजिटल मिडिया
