रुसको पश्चिमी सहर कोस्ट्रोमा रहेको एक नाइटक्लबमा राति भएको आगलागीमा परी १५ जनाको मृत्यु भएको र पाँच जना घाइते भएको स्थानीय अधिकारीहरूले जानकारी दिएका छन् ।
क्षेत्रीय गभर्नर सर्गेई सित्निकोभले यसअघि १३ जनाको मृत्यु भएको बताएका थिए तर पछि आपतकालीन सेवाले अन्य दुई जनाको शव फेला परेको घोषणा गरेको थियो।
“अझ दुईवटा शव बरामद गरिएको छ। यसको मतलब पीडितको संख्या अब १५ पुगेको छ,” तास समाचार एजेन्सीले कानून प्रवर्तन स्रोतलाई उद्धृत गर्दै जनाएको छ ।
आगजनी गरेको आशंकामा एक जनालाई नियन्त्रणमा लिएको प्रहरीले संचार माध्यमलाई जानकारी गराएको छ ।
उनीलाई अब अनुसन्धान अधिकारीहरूलाई सुम्पिएको प्रहरीले विज्ञप्तिमा थप विवरणहरू प्रदान नगरी उल्लेख गरेको छ।
डान्स फ्लोरमा एक रक्सीले मातिएका व्यक्तिले “फ्लेयर गन” फायर गरेपछि आगो सुरु भएको हुन सक्ने रुसी एजेन्सीहरूले आसंका गरेका छन् ।
मस्कोबाट करिब ३०० किलोमिटर उत्तरपूर्वमा रहेको सहरमा राति आगलागी हुँदा करिब २५० जनालाई भवनबाट बाहिर निकालिएको थियो।
घटनाबारे अनुसन्धान जारी छ भने विस्तृत विवरण आउन बाँकी नै छ ।
सत्य, तथ्य र स्वतन्त्र सामूदायिक डिजिटल मिडिया
