एक नयाँ अध्ययनले वाशिंगटन, डीसी अमेरिकाको सबैभन्दा विलासी क्षेत्र भएको दाबी गरेको छ। त्यस्तै , वाशिंगटन, डीसी पछि, न्यूयोर्क र फ्लोरिडा क्रमशः दोस्रो र तेस्रो स्थानमा सबैभन्दा विलासी (लक्जरी) क्षेत्रमा परेका छन् ।
अनुकूलित गहना विशेषज्ञ “ग्लामिरा” ले “लक्जरी भ्याकेसन”, “लक्जरी ज्वेलरी” र “लक्जरी होटेलहरू” लगायतका धेरै विलासी रहनसहनमा अनुसन्धान गरी प्रत्येक क्षेत्रमा रुचिको स्तर पत्ता लगाउन गूगल ट्रेण्डसको तथ्याङ्क लाई विश्लेषण गरी उक्त खोजी गरेको हो ।
नयाँ अनुसन्धानबाट प्रतेक क्षेत्रका मानिसहरुको रुची पहिचान गरी अमेरिकामा शीर्ष १० सबैभन्दा विलासी क्षेत्रहरूको खोजी गर्दा वाशिंगटन, डीसीले ७८. ७१ अङ्कको औसत “लक्जरी स्कोर” पाई शीर्ष स्थानमा रहन सफल भएको हो ।
वाशिंगटन, डीसीले विलासी क्षेत्रमा शीर्ष स्थान मात्र लिएको छैन, यसले खोजी गरिने शब्दहरू: लक्जरी अपार्टमेन्ट, होटल, ब्रान्ड र भ्याकेसन सहित धेरैमा १०० अंक कमाएको छ।
न्यूयोर्कले ७५.५६ र फ्लोरिडाले ६०.८९ अंक कमाएको अधिकारीहरूले बताएका छन्।
चौथो स्थानमा आउँदै न्यू जर्सीले ६०.२२ को लक्जरी-अब्सेस्ड स्कोर समेटेको छ। कनेक्टिकटले ५९. ११ को स्कोर ल्याएर पाचौ स्थान लिएको छ ।
त्यस्तै, संयुक्त छैठौं स्थानमा जर्जिया र भर्जिनिया छन्, दुबैले औसत लक्जरी-अब्सेस्ड स्कोर ५७. ७८ प्राप्त गरेका छन। खोजी अधिकारीहरूका अनुसार जर्जियाले लक्जरी कारहरूको लागि शीर्ष स्कोर कमाएको छ जबकि दुबै राज्यहरूमा विलासिताका सामानहरूको लागि उच्च स्कोर छ।
क्यालिफोर्निया ५७. ३३ अंकको साथ सातौं स्थानमा आएको छ जुन प्रमुख १० को सूचीमा पूर्वी क्षेत्र बाहिरको एक मात्र राज्य हो।
सूचीमा आठौं स्थानमा मेरील्याण्ड रहेको छ, जसले ५६. ११ को विलासी स्कोर प्राप्त गरेको छ ।
सूचीमा म्यासाचुसेट्स ५४.८९ अंकका साथ पूर्बी क्षेत्रको नवौं तथा अन्तिम स्थानमा छ। यसको राजधानी बोस्टन अमेरिकाको सबैभन्दा महँगो शहरहरू मध्ये एक हो।
“लक्जरी अनुभव गर्ने विभिन्न तरिकाहरू छन्, चाहे त्यो पाँच-तारे रिसोर्टमा बस्नको लागि छुट्टीमा जानु होस् वा जीवनभर टिक्न सक्ने उच्च गुणस्तरका गहनाहरू किन्नु होस्। यसमा कुनै शङ्का छैन कि अमेरिकीहरूले भव्य जीवनशैलीको स्वाद चाहान्छन्, तर एउटा कुरा निश्चित रूपमा यो हो कि पूर्वी तटमा यस क्षेत्रसँग सम्बन्धित श्रेणीमा रहेका नौ क्षेत्रहरूसँग विलासितामा विशेष चासो छ। यद्यपि, शीर्ष १० मा एक क्षेत्र पश्चिमी तटमा भएकोले, यो हेर्नको लागि रोचक हुनेछ कि कुनै अन्य नजिकैका क्षेत्रहरूले सूट पछ्याउँछन् र विलासिताको रहर विकास गर्छन्, “ग्लामाइराका प्रवक्ताले भनेका छन् ।
सत्य, तथ्य र स्वतन्त्र सामूदायिक डिजिटल मिडिया
