आइतबार पाकिस्तानका पूर्व राष्ट्रपति परवेज मुशर्रफको निधन भएको छ । उनी लामो समयदेखि बिरामी थिए । दुबईको एक अस्पतालमा उपचार भइरहेको अवस्थामा उनको निधन भएको थियो। उनी ७९ वर्षका थिए ।
मुशर्रफ केही महिनादेखि अस्पतालमा भर्ना भएका थिए । ट्विटरमा जानकारी दिँदै उनको परिवारले उनी एमाइलाइडोसिस नामक रोगबाट पीडित रहेको बताएका थिए जसका कारण उनका सबै अंगले काम गर्न छाडेको उल्लेख गरिएको थियो । अब निको हुने कुनै गुंजाइश छैन भन्दै मुशर्रफको परिवारले ८ महिनाअघि दुबईको अस्पतालमा भर्ना हुँदा मुशर्रफको एउटा तस्बिर सार्वजनिक गरेको थियो ।
को थिए जनरल परवेज मुशर्रफ
परवेज मुशर्रफको जन्म ११ अगस्ट १९४३ मा अविभाजित भारतको नयाँ दिल्लीको दर्यागञ्जमा भएको थियो । सन् १९४७ मा उनको परिवारले पाकिस्तान जाने निर्णय गरेका थिए । भारत विभाजनको केही दिन अघि उनको सम्पूर्ण परिवार पाकिस्तान पुगेका थिए। उनका बुबा सईदले नयाँ पाकिस्तानी सरकारको लागि काम गर्न थाले र विदेश मन्त्रालयसँग सम्बद्ध थिए। यसपछि उनका पिता पाकिस्तानबाट टर्कीमा सरुवा भए, १९४९ मा उनी टर्की गए । केही समय उनी आफ्नो परिवारसँग टर्कीमा बसे, जबकि उनले टर्की भाषा पनि बोल्न सिके। मुशर्रफ पनि युवावस्थामा खेलाडी थिए । १९५७ मा उनको सम्पूर्ण परिवार फेरि पाकिस्तान फर्किएको थियो ।
मुशर्रफले सेन्ट प्याट्रिक्स हाइस्कुल कराँचीबाट अध्ययन सुरु गरेका थिए भने लाहोरस्थिति क्रिस्चियन कलेजबाट उच्च शिक्षा हासिल गरेका थिए । त्यसपछि उनी पाकिस्तानी सैनिकको विशेष सेवा समूहमा सामेल भएका थिए । उनले सन् १९६५ र १९७१ को भारत संगको युद्धमा पनि भाग लिएका थिए जसमा पाकिस्तान भारतसँग पराजित भएको थियो। मुसर्रफ सन् १९९८ मा जनरलको पदमा बढुवा भएका थिए र सन् २००७ सम्म सेना प्रमुख (सीओएएस) पदमा रहे । त्यसको एक वर्षपछि १२ अक्टोबर १९९९ मा मुशर्रफले रक्तपातविहीन सैनिक ‘कू’ गरेर नवाज शरीफबाट सत्ता हातमा लिएका थिए ।
मुशर्रफ देशको नेतृत्व लिएपछि पाकिस्तानको सबैभन्दा लामो समयसम्म सेवा गर्ने राष्ट्रपति बने। उनी सन् २००२ मा जनमत संग्रहबाट राष्ट्रपतिमा निर्वाचित भए र सन् २००८ सम्म उक्त पदमा रहे। राजनीतिक दलहरूको नेतृत्वमा भएको आन्दोलनपछि मुशर्रफले १८ अगस्ट २००८ मा राष्ट्रपति पदबाट राजीनामा दिएका थिए । पूर्व सैन्य शासक मुशर्रफलाई पाकिस्तानको विशेष अदालतले १७ डिसेम्बर २०१९ मा संविधानको धारा ६ अन्तर्गत मृत्युदण्डको सजाय सुनाएको थियो। पाकिस्तान मुस्लिम लिग-नवाज (पीएमएल-एन) को कार्यकालमा उनी विरुद्ध देशद्रोहको मुद्दा दर्ता गरिएको थियो। मुशर्रफ ३१ मार्च २०१६ मा अदालतमा उपस्थित थिए, जब उनीमाथि आरोप लगाइएको थियो। पछि उनी बिरामी भएर देश छाडेर दुबईमा बसेका थिए ।
सत्य, तथ्य र स्वतन्त्र सामूदायिक डिजिटल मिडिया
