रोग नियन्त्रण तथा रोकथाम केन्द्र (सिडीसी) ले शनिबार जारी गरेको तथ्याङ्क अनुसार न्यूयोर्क राज्यको लगभग दुई तिहाई बासिन्दाहरुले कोरोना भाईरस बिरुद्धको पूर्ण खोप लगाएका छन ।
सिडीसीको तथ्याङ्क अनुसार १ करोड २७ लाख कुल जनसंख्याको ६५. ३ प्रतिशतले पूर्ण खोप लगाएका छन।
१८ बर्ष भन्दा माथिका उमेरका १२ करोड ७ सय बासिन्दाहरु मध्ये ७७. १ प्रतिशतले पूर्ण रुपमा खोप लगाएका छन ।
त्यस्तै, न्यूयोर्क राज्यको सम्पूर्ण जनसंख्या मध्ये पहिलो खोप लगाएकाहरुको प्रतिशत ८२. ८ प्रतिशत रहेकोछ भने १८ बर्ष माथिको उमेर भएका ८५.९ प्रतिशतले पहिलो खोप लगाएको सिडीसी तथ्याङ्कले जनाएको छ।
धेरै जसो अमेरिकीहरुलाई पहिलो डोजको खोप प्राप्त भैसकेपछि अमेरिकामा गत सेप्टेम्बर महिनामा नयाँ संक्रमित संख्या र मृत्युदर बढन गएको थियो।
अमेरिकन एकेडेमी अफ पेडियाट्रिक्सको डाटा अनुसार संक्रमित बच्चाहरुको संख्या सेप्टेम्बर महिनामा शिखरमा पुग्यो, धेरै स्कूलहरुमा डेल्टा भेरियन्टको बढ्दो संक्रमणका कारणले अफलाइन कक्षाहरु संचालन गरिएका थिए ।
कोरोना महामारीको शुरुवातका दिन देखि ६० लाख भन्दा बढि बच्चाहरु कोभिड १९ बाट संक्रमित भए , सेप्टेम्बर ३ देखि सेप्टेम्बर ३० सम्म ११ लाख भन्दा बढी नयाँ केसहरु रेकर्ड भएका थिए ।
रोग नियन्त्रण र रोकथाम केन्द्रबाट जारी साप्ताहिक तथ्याङ्कका अनुसार कोरोनाको संक्रमणबाट १५ बर्ष मुनिका बच्चाहरुको मृत्यु पनि सेप्टेम्बरमा उच्चतम स्तरमा पुगेको पाईन्छ।
भर्खरै, फाइजरले यसको कोभिड -१९ को खोप ५ देखि ११ बर्ष का बच्चाहरुमा प्रयोग गर्न अनुमतीकालागी अमेरिकी सरकारलाई अनुरोध गरेको छ, र यदि अनुमती प्राप्त भएमा खोपहरु हप्ता दिन भित्र शुरु हुन सक्नेछ।
बच्चाहरुकालागि गरिएको एक परीक्षणमा कम डोज भएको एक खोपले काम गर्ने र खोप सुरक्षित देखिएको भनी फाइजरले पूर्व घोषणा गरेको थियो ।
गत बिहीबार फाइजर र यसको जर्मन पार्टनर बायोन्टेकले आधिकारिक रूपमा खाद्य र औषधि प्रशासन (एफडिए) लाई आफ्नो आवेदन बुझाएको छ।
सत्य, तथ्य र स्वतन्त्र सामूदायिक डिजिटल मिडिया
