ताजकिस्तानमा शक्तिशाली भूकम्पको धक्का महसुस भएको छ। स्थानीय समयअनुसार बिहान ५:३७ बजे ६.८ म्याग्निच्युडको भूकम्प गएको हो। अमेरिकी जियोलोजिकल सर्भेका अनुसार पूर्वी ताजिकिस्तानको मुर्घोबदेखि ६७ किलोमिटर पश्चिममा केन्द्रबिन्दु बनाएर भूकम्प गएको हो ।
छिमेकी मुलुकहरु किर्गिस्तान, पाकिस्तान, उज्वेकिस्तान, चीन र अफगानिस्तानले उक्त भूकम्पको धक्का महसुस गरेका थिए ।
भूकम्पबाट भएको क्षतिको विवरण भने अहिलेसम्म प्राप्त नभएको अधिकारीहरुलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।
यद्यपि, अमेरिकी जियोलोजिकल सर्भेले भने भूकम्पबाट त्यस क्षेत्रका थोरै जनसंख्या पहिरोको जोखिममा पर्ने अनुमान गरेको छ ।
यस अघि चीनसँग सीमा जोडिएको ताजिकिस्तानमा ७ दशमलव २ म्याग्निच्युडको भूकम्प गएको चिनियाँ राष्ट्रिय टेलिभिजन सीसीटीभीले जनाएको थियो ।
सत्य, तथ्य र स्वतन्त्र सामूदायिक डिजिटल मिडिया
