बेलायतको संसदीय समितिले पूर्वप्रधानमन्त्री बोरिस जोनसनको आचरणबारे छानबिन गरिरहेको छ । समितिले शुक्रबार भनेको छ कि जोनसनले धेरै पटक हाउस अफ कमन्सलाई गुमराह गरेको हुन सक्छ।
हाउस अफ कमन्स विशेषाधिकार समितिले आफ्नो निष्कर्षको सारांश प्रकाशित गरेको छ। समितिले जोनसनलाई जानाजानी संसदलाई गुमराह गरेको भन्ने आरोपमा अन्तिम निष्कर्षका लागि यस महिनाको अन्त्यसम्म मौखिक प्रमाण दिन भनेको छ।
५८ वर्षीय पूर्वप्रधानमन्त्रीले गत वर्ष पार्टीगेट काण्डका कारण १० डाउनिङ स्ट्रिटबाट राजीनामा दिएका थिए । उनले बारम्बार हाउस अफ कमन्समा कोभिड लकडाउनको नियम सरकारी आवास भित्र तोडिएको कुरा अस्वीकार गरेका थिए। संसदीय समितिले प्रकाशित गरेको प्रतिवेदनमा जोनसन बैठकमा उपस्थित हुँदा कोभिड लकडाउनका नियमहरु उल्लङ्घन गर्ने गरेको बलियो प्रमाण रहेको बताएको छ।
सत्य, तथ्य र स्वतन्त्र सामूदायिक डिजिटल मिडिया
