बंगलादेशको राजधानी ढाकामा मंगलबार भएको विस्फोटमा परी कम्तीमा १६ जनाको मृत्यु भएको छ । मृत्यु हुनेमा १४ पुरूष र २ महिला भएको बंगलादेशको स्थानीय सञ्चारमाध्यमले जनाएका छन। यसैगरी, दुर्घटनामा परि अन्य १०० जनाभन्दा बढी घाइते भएको बताइएको छ ।
स्थानीय समय अनुसार मंगलबार साँझ ४:४५ बजे विस्फोट भएको स्थानीय सञ्चारमाध्यमहरूले जनाएका छन् । विस्फोटको मूख्य कारण अझै अज्ञात रहेको संचारमाध्यमले जनाएका छन ।
यसअघि शनिबार बंगलादेशको चितगाउँमा रहेको अक्सिजन प्लान्टमा भएको आगलागीमा परी कम्तीमा छ जनाको मृत्यु हुनुका साथै ३० जनाभन्दा बढी घाइते भएका थिए । स्थानीयवासीका अनुसार अपराह्न ४ः३० बजे सीताकुण्ड उपजिल्लाको केशवपुर क्षेत्रमा रहेको अक्सिजन प्लान्टमा विष्फोटको आवाज आएको थियो । यसपछि मानिसहरूले आगो बलेको देखेका थिए।
गत फेब्रुअरीमा ढाकाको एक आवासीय भवनमा आगलागी हुदा एक जनाको मृत्यु भएको थियो भने धेरै घाइते भएका थिए ।
सत्य, तथ्य र स्वतन्त्र सामूदायिक डिजिटल मिडिया
