न्यासभिलको कभेन्ट स्कूलमा बन्दुकधारीले चलाएको गोलीबारीबाट ३ बालबालिका, २ वयस्कको मृत्यु भएको भान्डरबिल्ट युनिभर्सिटी मेडिकल सेन्टरले जनाएको छ ।
“तीन बालबालिकाहरूलाई भ्यान्डरबिल्टको मोनरो केरेल जुनियर बाल अस्पतालमा लगिएको थियो, सबैलाई बन्दुकको गोली लागेको थियो। तीनै जनालाई आइपुगेपछि मृत घोषणा गरिएको थियो,” अधिकारीहरूले भनेका छन् ।
प्रहरीका अनुसार अधिकारीहरू गोली चलाउने संदिग्धसँग भिडेका थिए र संदिग्धलाई मारिएको थियो । अस्पतालमा मृत घोषणा गरिएका दुई वयस्क र तीन बालबालिकामध्ये संदिग्ध व्यक्ति हुन् वा होइनन भन्ने यकिन नभएको प्रहरीले बताएको छ।
उनीहरुको चोटको अवस्थाबारे अहिले केही बताइएको छैन ।
प्रिस्कूलदेखि छैठौं कक्षासम्मका विद्यार्थीहरू पढाउने क्रिस्चियन स्कूल कभेन्ट स्कूलमा सोमबार बिहान गोली चलेको थियो।
न्यासभिलका धेरै नेताहरूले गोलीबारीको प्रतिक्रियामा आफ्नो बिज्ञप्ति जारी गरेका छन्।
टेनेसीका गभर्नर बिल लीले ट्वीट गर्दै भनेका छन् : उनी “दु:खद अवस्थालाई नजिकबाट नियालिरहेका छन्।”
“कृपया विद्यालय, मण्डली र न्यासभिल समुदायको लागि प्रार्थना गर्न हामीसँग सामेल हुनुहोस्,” लीले भने।
(यो एक ब्रेकिङ्ग समाचार हो , हामी जानकारी आउने बित्तिकै अपडेट गर्नेछौं।)
सत्य, तथ्य र स्वतन्त्र सामूदायिक डिजिटल मिडिया
