टेनेसीको न्यासभिलमा रहेको क्रिस्चियन एलिमेन्टरी स्कूलमा तीन बालबालिकासहित छ जनाको ज्यान जाने गरी सामूहिक गोलीबारी गर्ने संदिग्ध व्यक्तिलाई देखाएको सर्भेलेन्स भिडियो फुटेज जारी गरिएको छ।
मेट्रो न्यासभिल पुलिस विभागद्वारा ट्विटरमा सेयर गरिएको फुटेजमा, संदिग्ध शूटर २८ बर्षीय अड्रे एलिजाबेथ हेल होन्डा फिट कारमा आइपुगेको, पार्किङ गर्दै गरेको , र त्यसपछि स्कूल तर्फ अघि बढेको देखाइएको छ।
हेलले विद्यालयको सिसाको डबल साइड ढोकाबाट गोली हानेको देखिन्छ। त्यसपछि फुटेको सिसा भएको झ्यालबाट भित्र प्रवेश गरेको देखिन्छ।
भिडियोमा हेललाई स्कूलको वरिपरि हिंडिरहेको देखाउँछ। स्कूलको विभिन्न हलवेहरूमा राइफल लिएर स्कूलका विभिन्न कोठाहरूमा भित्र र बाहिर गरेको देखिन्छ ।
भिडियोमा हेलले लडाकुको ट्राउजर, भेस्ट र रातो बेसबल टोपी लगाएको देखिन्छ ।
“हेल आज बिहान आफ्नो होन्डा फिटमा कोभेन्ट चर्च/स्कूलमा गइन्, पार्क गरिन्, र भवनमा जादै गर्दा उनले बाटोबाट गोली हानिन्। उनीसँग २ वटा आक्रमण प्रकारको बन्दुक र ९ मिलिमिटरको पेस्तोल थियो,’ प्रहरीले भनेको छ ।
“उनी यी तीन बन्दुक र महत्वपूर्ण गोला बारुदले सशस्त्र थिइन्, ” प्रहरीले भनेको छ।
२८ वर्षीय किशोरले विद्यालय भवनभित्र कैयौँ राउण्ड गोली चलाउँदा ६ जनाको ज्यान गएको थियो ।
अधिकारीहरूले पछि निजी क्रिस्चियन इलिमेन्टरी स्कूलमा मारिएका तीन स्कूलका बच्चाहरू र तीन वयस्कहरू एभलिन डिकहस, ह्याली स्क्रग्स, र विलियम किन्नी, सबै ९, क्याथरिन कुन्स, ६०, र सिन्थिया पीक र माइक हिल, दुबै ६१ वर्षको रूपमा पहिचान गरेका थिए ।
कभेन्ट प्रेस्बिटेरियन चर्च स्कूलको पूर्व विद्यार्थी मानिने हेललाई प्रहरी अधिकारीहरूले विद्यालयको माथिल्लो तलामा गोली हानेर मारेका थिए।
प्रहरीले संदिग्ध गोली प्रहार गर्ने व्यक्तिको जन्मकै नामबाट पहिचान गरेको छ; हेल कथित रूपमा एक ट्रान्सजेन्डर पुरुष थिए जसले ‘उनी/उ’ सर्वनाम प्रयोग गर्थे, यद्यपि अधिकारीहरूले सुरुमा गोलीबारी पछि संदिग्ध एक महिलाको रूपमा बताएका थिए । प्रहरीले अर्को नाम बताएको छैन तर संदिग्धको सामाजिक सञ्जालहरूमा उनले आफूलाई एडेन भनेर उल्लेख गरेका छन्।
सत्य, तथ्य र स्वतन्त्र सामूदायिक डिजिटल मिडिया
