भारत स्थित इन्दौरको पटेल नगर क्षेत्रमा रामनवमी पर्वका क्रममा श्री बेलेश्वर महादेव झुलेलाल मन्दिरको आँगनमा रहेको पुरानो इनारमा भेला भएका भक्तजनमध्ये २५ जना खसेका छन् सोही क्रममा खसेका मानिसलाई बाहिर निकाल्ने प्रयास भइरहेको छ । मन्दिरमा भक्तजनको भीड लागेको बेला दुर्घटना भएको हो ।
यो समाचार लेख्दासम्म कम्तीमा ५ जनाको ज्यान गएको बताइएको छ। अहिलेसम्म कुनै पनि हताहतीको बारेमा कुनै जानकारी प्राप्त भएको छैन। पटेल नगरको भगवान शिवको मन्दिर परिसरमा रहेको पुरानो इनार कंक्रीटको स्ल्याबले ढाकिएको थियो। रामनवमीको अवसरमा पूजा गर्न मानिसहरु भेला भएकाले तौलका कारण कंक्रीट भत्किएको प्रहरीले जनाएको छ । इनारमा खसेकामध्ये केही त्यहाँ रहेको फलामको डण्डीमा झुन्डिएका तथा उनीहरूको उद्धार भइरहेको इन्दोरका सुरक्षा प्रमुख इलयाराजा टीले बताएका छन् ।
संचार माध्यमका अनुसार उद्धार कार्य सुरु गर्न मन्दिरमा ठूलो संख्यामा मानिसहरू जम्मा भएका छन्। इन्दौरका जिल्ला कलेक्टर इलैयाराजा टीले एक ट्वीटमा भनेका छन् कि पुलिस र स्थानीय प्रशासनिक अधिकारीहरूले पीडितहरूलाई उद्धार गर्न काम गरिरहेका छन्। पर्याप्त व्यवस्था मिलाइएको छ र एम्बुलेन्सलाई तयारी अवस्थामा राखिएको छ ।
(पिटिआइको सहयोगमा )
सत्य, तथ्य र स्वतन्त्र सामूदायिक डिजिटल मिडिया
