अफगानिस्तानको उत्तरी सारी पुल प्रान्तको सञ्चारक जिल्लामा आइतबार एक प्राथमिक बालिका विद्यालयका दर्जनौं विद्यार्थीहरूलाई विषाक्त गरिएको सूचना र संस्कृतिका प्रान्तीय निर्देशक मुफ्ती अमिर सारिपुलीले सोमबार जानकारी दिएका छन् ।
“सञ्चारक जिल्लाको काबोद अब क्षेत्रको फैजाबाद गर्ल स्कूलका कूल ७७ विद्यार्थी, सात शिक्षक, पाँच अभिभावक र एक कर्मचारीलाई विषाक्त गरिएको थियो तर प्रभावित व्यक्तिहरूको अवस्था स्थिर छ,” सारिपुलितले थप विवरण नदिई सञ्चार माध्यमलाई जानकारी दिएका छन् ।
घटनाबारे अनुसन्धान थालिएको अधिकारीले बताएका छन् ।
यसैबीच पीडित छात्राकी आमा महनाजले घटनाको भत्सना गर्दै घटनामा संलग्नको पहिचान गरी कानुनी कारबाही गर्न प्रदेश प्रशासनसँग माग गरेकी छन् ।
अर्का विद्यार्थीका बुबा अली आगा करबलाईले प्रभावित विद्यार्थीको संख्या ८० रहेको बताउदै आफ्नी छोरीको शीघ्र स्वास्थ्यलाभको लागि प्रार्थना गरिरहेको बताएका छन् ।
गाउँलेका अनुसार आइतबार ८० प्रभावित विद्यार्थीसहित ८७ जनालाई अस्पताल लगिएको थियो ।
सत्य, तथ्य र स्वतन्त्र सामूदायिक डिजिटल मिडिया
