भारतका लोकप्रिय अभिनेता शाहरुख खान अमेरिकामा सडक दुर्घटनामा परी घाइते भएका छन् । जानकारीका अनुसार शाहरुख खान अमेरिकाको लस एन्जलसमा दुर्घटनामा परेका थिए र उनलाई अस्पताल लगिएको थियो। अस्पतालमा उनको सामान्य शल्यक्रिया गरिएको थियो । घाइते भएका शाहरुख खान अहिले मुम्बईमा छन् । आफ्नो उपचार पछि उनी आफ्नो परिवार संग रहन भारत फर्केका छन् ।
ईटी टाइम्सको रिपोर्ट अनुसार एउटा फिल्मको सुटिङका लागि अमेरिकामा रहेको समय शाहरुख खान सडक दुर्घटनामा परेका थिए र उनको नाकमा चोट लागेको थियो। नाकमा चोट लागेपछि रगत बग्न थालेपछि उनलाई तत्काल अस्पताल लगिएको थियो । जहाँ उनको सामान्य शल्यक्रिया गरिएको थियो ।
शाहरुख खान यसअघि पनि सुटिङका क्रममा घाइते भएका थिए । फिल्म ‘रईस’ को सुटिङका क्रममा पनि उनी घाइते भएका थिए । त्यही क्रममा उनको शल्यक्रिया पनि गरिएको थियो । चेन्नई एक्सप्रेसको सुटिङका क्रममा उनी धेरै चोटि घाइते भएका थिए ।
आफ्नो फिल्मी करियरमा शाहरुख खानको यो वर्ष राम्रोसँग बितेको छ । उनको पछिल्लो फिल्म पठानले बक्स अफिसमा ठूलो सफलता हात पारेको थियो । पठान पछि, उनी आफ्नो अर्को, जवान रिलिजको लागि तयारी गरिरहेका छन्।
सत्य, तथ्य र स्वतन्त्र सामूदायिक डिजिटल मिडिया
