एक महत्त्वपूर्ण घटनाक्रममा टर्कीका राष्ट्रपति रेसेप तैयप एर्दोगान स्वीडेनको नेटोमा सामेल हुनको लागि गरेको आवेदनलाई टर्कीको संसदमा स्वीकृतिको लागि पठाएर समर्थन गर्न सहमत भएका छन्। एर्डोगान, स्टोल्टेनबर्ग र स्वीडेनका प्रधानमन्त्री उल्फ क्रिस्टर्सनबीच भिल्नियसमा भएको छलफलपछि नेटोका महासचिव जेन्स स्टोल्टेनबर्गले उक्त घोषणा गरेका हुन्।
स्टोल्टेनबर्गले निर्णयलाई ऐतिहासिक दिनको रूपमा स्वागत गर्दै एर्दोगानले स्वीडेनको नेटो सदस्यताको लागि जति सक्दो चाँडो टर्कीको संसदमा स्वीकृतिको लागि पेश गर्न सहमत भएकोमा सन्तुष्टि व्यक्त गरेका छन् ।
टर्कीले पहिले कुर्दिश कार्यकर्ताहरूलाई आश्रय दिएकोमा आपत्ति जनाउदै स्वीडेनको नेटो सदस्यता आवेदन रोकेको थियो। कुर्दिशलाई टर्कीले आतंककारीको रूपमा लिन्छ। यद्यपि, हालैको यो घटनाले टर्कीको अडानमा परिवर्तन आएको सङ्केत गर्छ।
उता, टर्कीका राष्ट्रपति एर्दोगानले स्वीडेनलाई नेटोमा सामेल हुनको लागि पूर्व शर्तको रूपमा टर्कीको ईयू सदस्यताको लागि रोकिएको प्रक्रियालाई पुनर्जीवित गर्न युरोपेली संघलाई आह्वान गरेका छन् ।
टर्की र स्वीडेन बीचको सम्झौताको रूपरेखा सहित एक संयुक्त विज्ञप्ति जारी गरिएको जनाइएको छ। टर्कीको ईयू सम्मिलन प्रक्रियालाई पुनर्जीवित गर्ने प्रयासलाई स्वीडेनले सक्रिय रूपमा समर्थन गर्ने कुरालाई सम्झौतामा जोड दिइएको बताइन्छ। त्यस्तै, ईयू-टर्की सिमा भन्सारको आधुनिकीकरण र भिसा उदारीकरण जस्ता पहलहरू समावेश छन्। यसका अलावा , सहमतीले आतंकवाद विरोधी प्रयासहरूमा सहयोग र टर्की र स्वीडेन बीच द्विपक्षीय व्यापार सम्बन्ध सुदृढ गर्ने उदेश्य राखेको जनाइएको छ ।
स्वीडेनको नेटो सदस्यता बिडलाई समर्थन गर्ने टर्कीले गरेको निर्णयले टर्कीको विदेश नीतिको अडानमा सम्भावित परिवर्तनलाई सङ्केत गर्दै एउटा महत्त्वपूर्ण कूटनीतिक विकासको सङ्केत गर्छ। त्यस्तै, यस सम्झौतामा महत्त्वपूर्ण पूर्व शर्तको रूपमा टर्कीको ईयू सदस्यताको पुनरुत्थान हुनेछ।
सत्य, तथ्य र स्वतन्त्र सामूदायिक डिजिटल मिडिया
