अमेरिकाको सिएटलमा एक कार्यक्रमका क्रममा दर्जनौं राउण्ड गोली चलेको छ । घटनामा ५ जना घाइते भएका छन् जसमध्ये २ जनाको अवस्था चिन्ताजनक रहेको बताइएको छ । गोली चलाउनुको कारण भने खुल्न सकेको छैन । प्रहरीले घटनाको अनुसन्धान गरिरहेको छ । सिएटल प्रहरीले यो घटना शुक्रबार राति ९ बजे भएको बताएको छ। सिएटलको रेनिएल एभिन्यू साउथमा रहेको पार्किङ स्थलमा दर्जनौं राउण्ड गोली चलाइएको प्रहरीले बताएको छ ।
पार्किङस्थलमा सामुदायिक कार्यक्रम आयोजना गरीएको थियो। उक्त कार्यक्रमा आवस्यकता परेकालाई खाना, लत्ताकपडा, खेलौना आदि वितरण गरिएको प्रहरीले जनाएको छ । यसै क्रममा मानिसहरुमाथि गोली प्रहार भएको थियो । आक्रमणको कारण भने खुल्न नसकेको प्रहरीले जनाएको छ ।
गोली प्रहारमा संलग्न भएको आशंकामा प्रहरीले दुई जनाको खोजी गरिरहेको छ । सिएटलका प्रहरी प्रमुख एड्रियन डियाजले घाइतेमध्ये दुई जनाको अवस्था गम्भीर रहेको बताएका छन् । घाइते चारजनालाई हार्बरभ्यू मेडिकल सेन्टरमा भर्ना गरिएको छ भने एक घाइतेको घटनास्थलमै उपचार भइरहेको छ ।
सिएटलका प्रहरी प्रमुख डियाजले दर्जनौं राउण्ड फायर गरिएको बताएका छन् । उनले सिएटलमा गोली चलाउने घटनामा कमी आएको तर अझै पनि यस्ता समस्या रहेको एक प्रेस सम्मेलनमा बताए । सिएटलका मेयर ब्रुस ह्यारेलले स्थितिलाई नियन्त्रणमा लिएकोमा प्रहरीको प्रशंसा गर्दै गोली प्रहार को घटना दुःखद भएको बताए। प्रहरीले घटनाको अनुसन्धान गरिरहेको छ ।
सत्य, तथ्य र स्वतन्त्र सामूदायिक डिजिटल मिडिया
