माइक्रो ब्लगिङ वेबसाइट एक्स , पूर्व ट्विटरमा नयाँ अपडेट आउँदैछ। भिडियो कल अब छिट्टै एक्समा पनि उपलब्ध हुने कम्पनीको नया सीईओ लिन्डा याकारिनोले पुष्टि गरेकी छन् । भिडियो कलहरू फोन नम्बरहरू साझेदारी नगरी प्लेटफर्ममा उपलब्ध हुनेछन्। यो सुविधा चाँडै एक्समा आउने तर यसबारे थप जानकारी सार्वजनिक गरिएको छैन ।
एनबीसीयुनिभर्सल छोडेर गत जुनमा सामाजिक सञ्जाल एपमा नयाँ भूमिका लिएपछि कार्यकारीको पहिलो टिभी अन्तर्वार्ताको क्रममा उनको टिप्पणीहरू आएको हो ।
“चाँडै नै तपाइँ प्लेटफर्ममा कसैलाई आफ्नो फोन नम्बर नदिई भिडियो च्याट कल गर्न सक्षम हुनुहुनेछ,” याकारिनोले सीएनबीसीको सारा आइसेनलाई एक अन्तरवार्ताका दौरान बताएकी हुन्।
याकारिनोले एक्सको नयाँ सदस्यता दरहरू, भुक्तानीहरू र अन्य सुविधाहरूको बारेमा पनि चर्चा गरेकी छन् ।
पछि, एक्स डिजाइनर एन्ड्रिया कोनवेले साझा गरेको एक पोस्टले भिडियो कल सुविधालाई पनि संकेत गरेको विश्वास गरिन्छ।
ट्विटरको पुन: ब्रान्डिङ गत वर्ष ट्विटरमा लिएपछि मस्कले गरेको सबैभन्दा ठूलो सुधार थियो। मस्कले नाम परिवर्तन गरी X (एक्स) राखेका थिए । मस्कले ठूला परिवर्तनहरू आउँदै गरेको घोषणा गरेपछि भिडियो कल सुविधा को खुलासा भएको हो।
ट्विटरका मालिक एलोन मस्कले पुरानो ट्विटरलाई सबै एपमा रूपान्तरण गर्ने आफ्नो योजना सेयर गरेका छन् जहाँ प्रयोगकर्ताहरूले आफ्ना मनपर्ने सिर्जनाकर्ताहरूको सदस्यता लिन सक्छन्, भिडियोहरू हेर्न सक्छन्, आफ्ना विचारहरू व्यक्त गर्न सक्छन् — २५ हजार क्यारेक्टरको लामो पोस्टहरू, रकम अपलोड गर्न, भुक्तानी पठाउन, र सम्भवतः उच्च ब्याजदरका बचत खाताहरूमा नगद पनि जम्मा गर्न सकिने छ ।
सत्य, तथ्य र स्वतन्त्र सामूदायिक डिजिटल मिडिया
