यस भित्र :
- अमेरिकी इतिहासमा सबैभन्दा विनाशकारी आगलागी
- हालसम्म ९३ जनाको मृत्यु,
- ऐतिहासिक सहर लाहाइनाको ठूलो हिस्सा ध्वस्त
- सयौं मानिस अझै बेपत्ता, मृतकको संख्या अझै बढ्ने
अमेरिकाको हवाई राज्य अहिले जलिरहेको छ । हवाईमा लागेको डढेलोले ऐतिहासिक सहर लाहाइनालाई ध्वस्त पारेको छ । सयौं घरहरू र व्यवसायहरू ध्वस्त भएका छन्। मध्य प्रशान्त महासागरमा अवस्थित हवाईको माउ आगलागीमा हालसम्म ९३ जनाको ज्यान गएको छ र ऐतिहासिक लाहाइना सहर करिव ध्वस्त नै भएको छ। यो आगलागी आधुनिक अमेरिकाको इतिहासमा सबैभन्दा विनाशकारी बनेको छ। अमेरिकास्थित बिभिन्न मुलुकका नियोगहरुले आगलागीबाट भएको जनधनको क्षतिप्रति दुःख व्यक्त गरेका छन् ।
आइतबार सार्वजनिक गरिएको हवाई फुटेजबाट विनाशको अनुमान गर्न सकिन्छ। आगलागीबाट टापुको ठूलो हिस्सा जलेर नष्ट भएको छ । आगलागीका कारण हजारौं मानिस घरबारविहीन भएका छन् र वर्षौं लाग्न सक्ने गरी पुनर्निर्माणमा परेका छन् ।
अधिकारीहरूले शनिबार जानकारी दिए अनुसार हवाईको माउई जंगलमा लागेको आगलागीमा परी कम्तीमा ९३ जनाको मृत्यु भएको छ । यो एक शताब्दीमा अमेरिकी इतिहासमा सबैभन्दा घातक डढेलो हो। जंगलमा लागेको डढेलोले ऐतिहासिक सहर लाहाइनालाई लगभग पूर्ण रूपमा ध्वस्त पारेको छ, जुन लोकप्रिय पर्यटकीय गन्तव्य थियो र कुनै समय हवाई राज्यको राजधानी थियो।
शनिबार दिउँसो हवाईका गभर्नर जोस ग्रीनले मिडियालाई जानकारी दिए अनुसार सयौं मानिस अझै बेपत्ता छन् र उनले मृतकको संख्या अझै बढ्ने बताए।
“हामी त्यसका लागि मानिसहरूलाई खोजी गर्न चाहन्छौं,” ग्रीनले भने। गभर्नरले थपे कि पुनास्थापनको बाटो लामो हुनेछ।
यसअघि सन् २०१८ मा उत्तरी क्यालिफोर्नियाको बुट्टे काउन्टीको जंगलमा लागेको आगोमा ८५ जनाको मृत्यु भएको थियो। यो घटनालाई ‘क्याम्प फायर’ भनिन्छ । यसअघि सन् १९१८ मा मिनेसोटाको कार्लटन काउन्टीको जंगलमा भएको आगलागीमा हजारौं घर जलेर खरानी भएका थिए र सयौंले ज्यान गुमाएका थिए । यसलाई ‘क्लोकेट फायर’ भनिन्छ। पश्चिमी माउको कानापालीमा शुक्रबार साँझ आगलागी भएको अधिकारीहरूले बताएका छन् तर अधिकारीहरूले यसलाई निभाउन सफल भएका छन्।
सत्य, तथ्य र स्वतन्त्र सामूदायिक डिजिटल मिडिया
