डाउनटाउन लस एन्जलस सहित दक्षिणी क्यालिफोर्नियाका लागि गम्भीर आँधीबेहरीको चेतावनी जारी गरिएको छ। सञ्चारमाध्यमका अनुसार शक्तिशाली श्रेणी–४ आँधी प्रशान्त महासागर हुँदै मेक्सिको र अमेरिकातर्फ सरेको देखिएको छ ।
राष्ट्रिय चक्रवात केन्द्र (एनएचआर) ले शुक्रबार रिपोर्ट गरे अनुसार चक्रवात हिलारी बेलुका ८ बजेसम्म मेक्सिकोको बाजा क्यालिफोर्निया प्रायद्वीपबाट ३०० मिटर मात्र टाढा थियो। बाजा र दक्षिण–पश्चिम क्षेत्रमा यो चक्रवातका कारण धेरै क्षति हुने मौसमविद्ले अनुमान गरेका छन् । क्यालिफोर्निया-मेक्सिको सीमादेखि सान्टा मोनिका क्षेत्र (क्याटालिना आइल्याण्ड) सम्मको आँधीको अवस्था आगामी ३६ घण्टासम्म जारी रहनेछ।
एनएचआरले भनेको छ, ‘चक्रवात हिलारीले प्रतिघण्टा १३० माइलको गतिमा हावा चलेको छ । ३९ माइल प्रतिघण्टा भन्दा बढी गतिमा चल्नेलाइ हावा नाम दिइएको छ तर जब हावा ७४ माइल प्रतिघण्टाको गतिमा चल्न थाल्छन् तब त्यसले आँधीको रुप लिन्छ । अर्कोतर्फ, १११ माइल प्रतिघण्टाको गतिमा चल्ने हावालाई चक्रवात भनिन्छ।
आँधीका कारण लस एन्जलसमा आयोजना हुने सबै कार्यक्रमहरु सारिएको छ । चक्रवात हिलारीले बाजा, क्यालिफोर्नियामा ६ इन्चसम्म वर्षा हुने र आइतबार १० इन्च सम्म पुग्ने बताइएको छ। आँधीका कारण तीव्र हावा चल्ने बताइएको छ।
सत्य, तथ्य र स्वतन्त्र सामूदायिक डिजिटल मिडिया
