बेलायतको राष्ट्रिय हवाई सेवा (नाट्स ) ले हालै जारी गरेको विज्ञप्तिमा उडान योजना प्रणालीलाई असर गर्ने प्राविधिक समस्याका कारण हवाई यात्रामा अवरोध आएको बताएको छ ।
नाट्सका अनुसार, आज देखा परेको एयर ट्राफिक समस्या स्वचालित रूपमा उडानलाई नियन्त्रण गर्ने प्रणालीको क्षमतामा असर पारेको हुदा म्यानुअल उडान नियन्त्रण गर्ने प्रणाली आवश्यक भएकाले उडान अवरोध भएको हो ।
“खराबीले स्वचालित रूपमा उडान योजनाहरू संचालन गर्ने प्रणालीको क्षमतालाई असर गर्यो, यसको मतलब तिनीहरू चालक दलहरूद्वारा म्यानुअल रूपमा संचालन हुनुपर्दछ, ” नाट्सले भनेको छ।
नाट्सका अनुसार, अधिकारीहरूले स्थिति सुधार गर्न लगनशीलताका साथ काम गरिरहेका छन् र तिनीहरूका इन्जिनियरहरूले अवरोधबाट प्रभावित उडानहरू व्यवस्थापन गर्न एयरलाइन्स र एयरपोर्टहरूसँग नजिकबाट सहयोग गरिरहेका छन्।
“बेलायतमा हरेक उडान सुरक्षित होस् भन्ने हाम्रो प्राथमिकता रह्न्छा , र हामी यो अवरोधको लागी ईमानदारीपूर्वक माफी चाहन्छौं,” नाट्सले विज्ञप्तिमा भनेको छ ।
“हामी अब प्रभावित उडानहरूलाई सकेसम्म कुशलतापूर्वक व्यवस्थापन गर्न एयरलाइन्स र एयरपोर्टहरूसँग मिलेर काम गरिरहेका छौं,” नाट्सले विज्ञप्तिमा जनाएको छ । “हामी सामान्य सञ्चालनमा फर्कने बित्तिकै हाम्रा इन्जिनियरहरूले प्रणालीको कार्यसम्पादनलाई ध्यानपूर्वक निगरानी गर्नेछन्।”
ब्रिटिश एयरवेजले एक विज्ञप्ति जारी गर्दै बेलायत एयरस्पेसमा एयर ट्राफिक कन्ट्रोलमा ठूलो समस्याका कारण यसको उडानहरूमा गम्भीर अवरोध भएको जनाएको छ । ब्रिटिश एयरलाइन्सले आजका लागि महत्त्वपूर्ण समय तालिका परिवर्तन गर्दै छोटो दूरीका उडान सेवाहरूमा यात्रुहरूलाई एयरपोर्ट जानु अघि आफ्नो उडान स्थिति जाँच गर्न सल्लाह दिएको छ।
सत्य, तथ्य र स्वतन्त्र सामूदायिक डिजिटल मिडिया
