तेल अभिभस्थित नेपाली दूतावासले आज मंगलवार १८ जना नेपाली नागरिक इजरायलबाट आफ्नो मातृभूमि प्रस्थान गरेको एक विज्ञप्तिमार्फत जनाएको छ । चारजना विद्यार्थी, तेह्र जना कामदार र एक पर्यटक रहेको समूहले स्थानीय समय अनुसार दिउँसो २ः५५ बजे बेन गुरियन अन्तर्राष्ट्रिय विमानस्थलबाट स्पाइसजेट एयरलाइन्सको उडान नम्बर एसजी ९९९६ मा चढेका थिए ।
नयाँ दिल्लीस्थित भारतीय दूतावाससँग समन्वय गरी उनीहरुलाई भारतको राजधानी सहर हुँदै ट्रान्जिटको व्यवस्था गरेएको दूतावासले जनाएको छ । नयाँदिल्ली पुगेपछि त्यहाँको नेपाली दूतावासको सहयोगमा नेपालसम्म पुऱ्याउने गरी व्यवस्था गरिएको तेल अभिभस्थित नेपाली दूतावासले जनाएको छ।
दूतावासले आवश्यकता अनुसार अन्य नेपालीलाई स्वदेश फर्काउन सहजीकरण गरिरहेको र यसका साथै आवश्यक कानूनी प्रक्रिया पूरा गरी पहिचान भएका मृतक व्यक्तिलाई दुई–तीन दिनभित्र नेपाल फर्काउने व्यवस्था मिलाइएको बताएको छ । अन्य शवको पहिचानको प्रयास जारी रहेको समेत उल्लेख गरेको छ ।दूतावासले सम्पर्कविहीन नेपाली नागरिक विपिन जोशीको खोजी तीव्र पारेको पनि जनाएको छ । यसका लागि उपलब्ध सबै स्रोत साधनको उपयोग भइरहेको दूतावासको बिज्ञप्तिमा उल्लेख छ।
सत्य, तथ्य र स्वतन्त्र सामूदायिक डिजिटल मिडिया
