शनिबार अमेरिकाको टेनेसी राज्यका केही भागहरूमा शक्तिशाली आँधीबेहरीले कम्तीमा ६ जनाको ज्यान लिएको छ भने दर्जनौं घाइते भएका अधिकारीहरूले बताएका छन्।
राष्ट्रिय मौसम सेवाले जानकारी दिए अनुसार टेनेसी राज्यमा कम्तिमा चार वटा आँधी आएको थियो जस मध्ये सबैभन्दा बलियो न्यासभिलबाट ५० माईल पूर्वमा रहेको कार्थेज सहरमा हानेको थियो। एन्हान्स्ड फुजिटा स्केलमा इएफ -३ को मूल्याङ्कन गरिएको टोर्नाडोले १६५ माइल प्रतिघण्टासम्मको हावा चलाएको थियो र यसले घर, व्यवसाय र सवारी साधनहरूमा व्यापक क्षति पुर्याएको थियो ।
टेनेसी आपतकालीन व्यवस्थापन एजेन्सीका अनुसार पीडितहरूमध्ये एक विवाहित दम्पती थिए जसको मृत्यु भएको थियो। उनीहरूको मोबाइल घर आँधीबेहरीले ध्वस्त पारेको थियो। त्यस्तै घरमा रूख खसेर एक ७ वर्षीय बालकको मृत्यु भएको थियो। आपतकालीन व्यवस्थापन एजेन्सी कम्तिमा ५० जना घाइते भएका र स्थानीय अस्पतालमा लगिएको र केहीको अवस्था गम्भीर रहेको बताएको छ ।
गभर्नर बिल लीले आपतकालिन अवस्थाको घोषणा गर्दै उद्वारकालागि नेशनल गार्ड सक्रिय गरेका छन् । उनले केही प्रभावित क्षेत्रको भ्रमण गर्दै पीडित परिवारप्रति समवेदना पनि व्यक्त गरेका छन् ।
लीले एक विज्ञप्तिमा भनेका छन्, “यी आँधीका कारण भएको जनधनको क्षति र विनाशबाट हामी गहिरो दुख प्रकट गर्दछौ ।” “हाम्रो विचार र प्रार्थनाहरू यस त्रासदीबाट प्रभावित सबैसँग छन्, र बाँचेकाहरूलाई मद्दत गर्न अथक प्रयास गर्ने हरूप्रति हामी आभारी छौं।”
यस क्षेत्रमा अधिक गम्भीर मौसमको अपेक्षा गरिएकाले गभर्नरले त्यहाँका बासिन्दाहरूलाई सतर्क रहन र स्थानीय अधिकारीहरूको निर्देशनहरू पालना गर्न पनि आग्रह गरेका छन। राष्ट्रिय मौसम सेवाले आइतवार साँझसम्म टेनेसी, केन्टकी, अलाबामा र मिसिसिपीका केही भागहरूमा टोर्नाडो वाच जारी गर्दै सम्भावित असिना, हुरी बतास र बाढीको चेतावनी जारी गरेको छ ।
नासभिलको लगभग ४० माइल उत्तरपश्चिम क्लार्कसभिलमा अर्को टोर्नाडोले डाउनटाउन क्षेत्रमा महत्त्वपूर्ण क्षति पुर्याएको एजेन्सीले जनाएको छ। चार्क्सभिलमा धेरै भवनहरू भत्किएका र पावर लाइनहरू ढलेका छन् । आँधीबेहरीले अस्टिन पे स्टेट युनिभर्सिटीको क्याम्पसमा पनि असर गरेको छ , जहाँ केही विद्यार्थीहरू उनीहरूको छात्रावासमा फसेका बताइएको छ ।
“यो विनाशकारी समाचार हो र प्रियजनहरू गुमाउनेहरूको परिवारको लागि हाम्रो हृदय टुटेको छ,” क्लार्कसभिलका मेयर जो पिट्सले एक विज्ञप्तिमा भनेका छन । “नगर उनीहरूको दुखको समयमा मद्दत गर्न तयार छ।”
क्लार्क्सभिलले बाँचेका र सम्भवतः थप पीडितहरूको खोजी गर्न मेयरले शनिबार राति आपतकालिन अवस्था घोषणा गर्दै राती ९ बजे देखि कर्फ्यू लगाएका छन।
टेनेसीका गभर्नर बिल लीले शनिबार राति आँधीबेहरी पछि X मा एक पोष्ट गर्दै राज्य र स्थानीय प्रतिक्रियाकर्ताहरूलाई धन्यवाद दिएका छन ।
“मारिया र म सबै टेनेसीहरूका लागि प्रार्थना गर्दैछौं जो आज साँझ राज्यमा आएको आँधीले प्रभावित भएका छन्,” उनले लेखेका छन । “हामी ज्यान गुमाउने हरमा शोक व्यक्त गर्छौं र सबैलाई स्थानीय र राज्य अधिकारीहरूको निर्देशन पालना गरिरहन अनुरोध गर्दछौं।”
सत्य, तथ्य र स्वतन्त्र सामूदायिक डिजिटल मिडिया
