बिहीबार मध्य दिनमा बन्दुकधारीहरूले उत्तरपश्चिमी नाइजेरियाको एक विद्यालयबाट कम्तिमा २८७ विद्यार्थीहरूलाई अपहरण गरेका छन। पश्चिम अफ्रिकी राष्ट्र नाइजेरियामा एक हप्ता भन्दा कममा भएको यो दोस्रो सामूहिक अपहरण हो।
कादुना राज्यको कुरिगा सहरमा विद्यार्थीहरू विद्यालय आउँदै गर्दा अपहरणको घटना भएको हो। स्थानीयहरूले एसोसिएटेड प्रेसलाई रिपोर्ट गरे अनुसार भारी हतियारधारी हमलावरहरूले सुरक्षाकर्मीहरूलाई ओझेलमा पार्दै सरकारी स्वामित्वको विद्यालयलाई घेरेका थिए । त्यसपछि आक्रमणकारीहरूले विद्यार्थीहरूलाई जबरजस्ती नियन्त्रणमा सिदै गाडीमा चढाएर लगेका थिए।
प्रारम्भिक रिपोर्टमा १०० भन्दा बढी विद्यार्थी अपहरण भएको बताइएको थियो। तर, पछि विद्यालयका प्रधानाध्यापकद्वारा गरिएको हेडकाउन्टमा २८७ विद्यार्थी बेपत्ता भएका बताइएको छ ।
यो अपहरणले उत्तरी नाइजेरियामा विद्यालयहरूलाई लक्षित गरी आक्रमणहरूको लामो र चिन्ताजनक प्रवृतिलाई दोहोर्याएको छ। अपहरणहरू प्राय: फिरौतीको लागि गरिएको छ, जसले विद्यार्थीहरूको सुरक्षा र यस क्षेत्रलाई निम्त्याउने व्यापक सुरक्षा संकटको बारेमा गम्भीर चिन्ताहरू खडा गरेको छ।
यो घटना नाइजेरियामा अर्को सामूहिक अपहरणको केही दिनपछि आएको हो। यी आक्रमणहरूमा भएको वृद्धिले, विशेष गरी उत्तरपश्चिमी र मध्य क्षेत्रहरूमा, सशस्त्र समूहहरूको बढ्दो गतिविधिलाई उजागर गरेको छ ।यी सशस्त्र समूहहरूले आर्थिक लाभका लागि विद्यालय मात्र होइन गाउँले र यात्रुहरूलाई पनि निशाना बनाउदै आएका छन ।
स्थानीय समुदाय स्तब्ध र निराशाको स्थितिमा छन, आमाबाबु र परिवारहरू आफ्ना प्रियजनहरूको सुखद फिर्ताको समाचारको तीव्र प्रतिक्षामा छन्। नाइजेरियाली सरकारले अपहरणकारीहरू पत्ता लगाउन र विद्यार्थीहरूको सुरक्षित फिर्ताको लागि पूर्ण स्तरको अभियान सुरु गरेको छ। उनीहरुले यो बढ्दो मानवीय र सुरक्षा संकटलाई सम्बोधन गर्न अन्तर्राष्ट्रिय समुदायलाई सहयोगको अपिल समेत गरेका छन्।
खोजी बढ्दै जाँदा, विद्यालयहरूमा सुरक्षा उपायहरूको पर्याप्तता र क्षेत्रीय स्थायित्वको फराकिलो मुद्दाको बारेमा महत्वपूर्ण प्रश्नहरू उठिरहेका छन्। २८७ विद्यार्थीहरूको अपहरणले नाइजेरियाले सामना गरिरहेका चुनौतीहरू र यसका नागरिकहरूको सुरक्षा सुनिश्चित गर्न बलियो योजनाको तत्काल आवश्यकता भएको बताइएको छ।
सत्य, तथ्य र स्वतन्त्र सामूदायिक डिजिटल मिडिया
