टर्किएको गाजियनटेप क्षेत्रमा सोमबार गएको ७.८ म्याग्निच्युडको शक्तिशाली भूकम्प – जुन यस क्षेत्रको १०० वर्षमा सबैभन्दा शक्तिशाली भूकम्प मध्ये एक मानिएको छ। यसबाट छिमेकी सिरियालाई पनि असर गरेको छ ।
सोमबार दिउँसो दक्षिणपूर्वी टर्कीमा ७.५ म्याग्निच्युडको दोस्रो भूकम्प गएको युएस जियोलोजिकल सर्भेले रिपोर्ट गरेको केही घण्टापछि टर्की र सिरियाका क्षेत्रहरूमा १,६०० भन्दा बढी मानिसको मृत्यु भएको छ । त्यस पछि कम्तिमा २० वटा पराकम्पन गएको थियो।
यसअघिको ७.८ म्याग्निच्युडको भूकम्पले दक्षिणपूर्वी टर्की र उत्तरी सिरियामा असर गरेको थियो। मृतक बाहेक, हजारौं घाइते भएका छन् र भत्किएका भवनहरूको भग्नावशेषमुनि फसेकाहरूको उद्वार भइरहेको छ।
यसै बीच युरोपेली संघले यियु नागरिक सुरक्षा संयन्त्रलाई सक्रिय गरेपछि टर्किएका लागि खोज र उद्धार टोलीहरू परिचालन गरेको छ।
यियुका अनुसार, शहरी खोज र उद्धार टोलीहरू बुल्गेरिया, क्रोएसिया, चेकिया, फ्रान्स, ग्रीस, हंगेरी, माल्टा, नेदरल्याण्ड्स, पोल्याण्ड, रोमानियाबाट परिचालन गरिएको छ। इटाली, स्पेन र स्लोभाकियाले पनि टर्कीलाई आफ्नो उद्धार टोलीको प्रस्ताव गरेका छन्। यियुको आपतकालीन समन्वय केन्द्र आवश्यक परे थप सहयोग समन्वय गर्न टर्कीका अधिकारीहरूसँग प्रत्यक्ष सम्पर्कमा रहेको यियुले जनाएको छ।
सत्य, तथ्य र स्वतन्त्र सामूदायिक डिजिटल मिडिया
