बंगलादेशको चट्टोग्राम जिल्लामा शनिबार एक अक्सिजन प्लान्टमा भीषण आगलागी भएको छ । यस दुर्घटनामा पाँच जनाको मृत्यु भएको छ भने करिब ३० जना घाइते भएका छन् ।
स्थानीय संचार माध्यमका अनुसार शनिवार अपराह्न ४ः३० बजे सीताकुण्ड उपजिल्लाको केशवपुर क्षेत्रमा रहेको अक्सिजन प्लान्टमा विष्फोटको आवाज आएको थियो । त्यसपछि मानिसहरूले आगो बलेको देखेका थिए । आगो निभाउन पाँचवटा दमकल बोलाउनु परेको दमकलले जनाएको छ । अहिलेसम्म आगजनीको ठोस कारण खुल्न सकेको छैन ।
मृतकको सनाखत हुन बाँकी रहेको बताइएको छ । यसअघि फेब्रुअरीमा ढाकाको एक आवासीय भवनमा आगलागी भएको थियो । उक्त दुर्घटनामा एक जनाको मृत्यु भएको थियो भने कैयौं घाइते भएका थिए ।
