इन्डोनेसियामा भूकम्पको धक्का महसुस गरिएको छ । आइतबार बिहान इन्डोनेसियाको केपुलाउआन बाटुमा करिब ६ म्याग्निच्युडको दुईवटा भूकम्प गएको युरोपेली भूमध्य भूकम्प विज्ञान केन्द्र (इएमयससी) ले जनाएको हो ।
युरोपेली मेडिटेरेनियन सिस्मोलोजिकल सेन्टर (इएमयससी) का अनुसार रेक्टर स्केलमा यसको तीव्रता ६.४ र ५.८ मापन गरिएको छ ।
इएमयससीले आइतबार बिहान केपुलुआन बाटुमा दुईवटा भूकम्प गएको जनाएको छ। आइतबार भूकम्पको पहिलो धक्का महसुस गरिएको थियो । यसको तीव्रता ६.४ थियो। त्यसको केही घण्टापछि फेरि ५.८ म्याग्निच्युडको भूकम्प गएको थियो ।
इएमयससीले पहिलो भूकम्प ४३ किलोमिटर गहिराइमा र दोस्रो ४० किलोमिटर गहिराइमा गएको जनाएको छ । भूकम्पका कारण मानवीय वा धनमालको क्षतिको कुनै समाचार आएको छैन ।
इन्डोनेसियामा गत बुधबार पनि भूकम्प गएको थियो । सबाङबाट १६ किलोमिटर पश्चिम दक्षिणपश्चिममा भूकम्प गएको थियो । रेक्टर स्केलमा यसको तीव्रता ४.४ थियो। इएमयससीले भूकम्प राति ११ बजेतिर गएको जनाएको थियो ।
सत्य, तथ्य र स्वतन्त्र सामूदायिक डिजिटल मिडिया
