काठमान्डौको तीनकुनेमा चैत १५ गते प्रहरीको गोली लागी मृत्यु भएका सविन महर्जनको शव परीक्षण त्रिभुवन विश्वविद्यालय शिक्षण अस्पताल, महाराजगञ्जमा सम्पन्न भएको छ।
पोस्टमार्टम रिपोर्टका निष्कर्ष
प्रहरीका अनुसार पोस्टमार्टम कार्य पूरा भइसकेको छ। अस्पताल स्रोतका अनुसार महर्जनलाई एक गोली लागेको पुष्टि भएको छ, जुन उनको दायाँ हाततर्फबाट प्रवेश गरी पछाडिबाट निस्किएको थियो।
घटनाको विवरण
प्रहरी अधिकृतहरूका अनुसार महर्जनलाई तीनकुनेबाट कोटेश्वर चोकतर्फ जाने उकालोमा गोली लागेको हो। उनी पूर्वराजा समर्थकहरूको प्रदर्शनमा सहभागी थिए। यसै क्रममा प्रहरीले चलाएको गोली लागी उनको ज्यान गएको प्रत्यक्षदर्शीहरूले बताएका छन।
प्रदर्शनमा संलग्नता
२९ वर्षीय महर्जन दुर्गा प्रसाईँ नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ तथा नवराज सुवेदी नेतृत्वको ‘राजसंस्था पुनस्र्थापनाका लागि संयुक्त जनआन्दोलन समिति’ द्वारा आयोजित प्रदर्शनमा सहभागी थिए। महर्जन कीर्तिपुर नगरपालिका–४ का निवासी भएको बताइएको छ ।
प्रहरीले प्रदर्शनका क्रममा भिड नियन्त्रणका लागि गोली चलाएको जनाएको छ भने घटनाबारे थप अनुसन्धान भइरहेको बताएको छ।
सत्य, तथ्य र स्वतन्त्र सामूदायिक डिजिटल मिडिया
